અનિલ અંબાણીનાં લગ્નમાં વેઇટ્રેસનું કામ કરનારી આ 'આઇટમ ગર્લ' આજે છે કરોડોની માલકિન

બોલિવૂડની 'આઇટમ ગર્લ' અને 'વિવાદોથી ઘેરાયેલી' રહેતી રાખી સાવંતનો  25 નવેમ્બરનાં રોજ  40મો જન્મ દિવસ હતો. વિવાદોની રાણી રાખી સાવંત પોતાનાં વિવાદાસ્પદ નિવેદનને લઇને ચર્ચામાં રહેતી હોય છે

રાખીનાં વિવાદો અને તેનાં એલફેલ નિવેદન વિશે તો સૌ કોઇ જાણે છે. પણ તેની કરિઅરની શરૂઆત વિશે સૌ કોઇ નથી જાણતું

આપને જાણીને નવાઇ લાગશે કે, રાખીનું બાળપણ ઘણી જ મુશ્કેલીઓમાં વિત્યુ છે. રાખી જ્યારે 10 વર્ષની હતી ત્યારે તેણે દેશનાં સૌથી ધનિક વ્યક્તિ ગણાતા ધીરૂભાઇ અંબાણીનાં નાના દીકરા અનિલ અંબાણીનાં લગ્નમાં વેઇટ્રેસનું કામ કર્યુ હતું.

જી હાં, અનિલ અંબાણી અને ટીના મુનિમનાં લગ્ન સમયે રાખી સાવંતે મહેમાનોને ભોજન સર્વ કર્યુ હતું. આ વાત રાખીએ પોતે એક ઇન્ટરવ્યુંમાં કહી હતી. રાખીએ તે વાત પણ સ્વિકારી હતી કે તે એવાં પરિવારમાંથી આવે છે જ્યાં મહિલાઓને કંઇપણ કરવાની છૂટ આપવામાં આવતી ન હતી.

<br />તેનાં ઘરમાં એટલું રિસ્ટ્રિક્શન રાખવામાં આવતુ હતું કે, તેને છત કે બાલ્કનીમાં ઉભા રહેવાની પરવાનગી ન હતી. તેને પાર્લર અને બજાર જવું હોય તો પણ પરવાનગી માંગવી પડતી હતી

રાખીએ તેનાં ઇનટરવ્યુંમાં કહ્યું હતું કે, તે જ્યારે નાની હતી ત્યારે તે દાંડિયા રમવાની ખુબ જ જીદ કરતી તેની આ જીદને કારણે તેને તેની મમ્મી અને મામાનો ઘણી વખત માર ખાધો છે. તે તેનાં પરિવારની આવી માનસિકતાથી કંટાળીને ઘર છોડીને ખુબજ નાની ઉંમરે જતી રહી હતી.