Pushpa : બોલિવૂડ અને સાઉથના 7 મોટા સ્ટાર્સે ફૂલ સમજીને 'પુષ્પા'ને નકારી કાઢી હતી, પણ ફાયર નીકળી ફિલ્મ

મુંબઈ : તેલુગુ (Telugu) ફિલ્મ 'પુષ્પા: ધ રાઈઝ' (Pushpa: The Rise)નો ક્રેઝ દેશભરમાં જોવા મળી રહ્યો છે. જ્યાં જુઓ ત્યાં આ ફિલ્મના ડાયલોગ (Dialogue) અને ગીતો (Songs) સાંભળવા મળી રહ્યા છે. જોત જોતામાં આ ફિલ્મ તેલુગુ સિનેમા માટે ગૌરવ બની ગઈ છે. આ ફિલ્મે બોક્સ ઓફિસ (Box Office) પર ધમાલ મચાવી છે અને પુષ્પાએ અત્યાર સુધીમાં 350 કરોડ રૂપિયાથી વધુની કમાણી (Income) કરી છે. આટલું જ નહીં પરંતુ આ ફિલ્મને કારણે લીડ રોલ કરનાર અલ્લુ અર્જુન (Allu Arjun)-રશ્મિકા મંદાના (Rashmika Mandana)ની ફેન ફોલોઈંગમાં પણ જબરદસ્ત વધારો થયો છે. આજે ચોતરફ જે ફિલ્મની ચર્ચા છે તેને 6 મોટા સ્ટાર્સ રિજેક્ટ (Reject) કરી ચુક્યા છે. હવે સુકુમાર (Sukumar)ની આ ફિલ્મનો બિઝનેસ જોઈને કદાચ તે સ્ટાર્સને પછતાવો થઈ રહ્યો હશે.

મહેશ બાબુ (mahesh babu) - ફિલ્મ 'પશ્પાઃ ધ રાઇઝ' માટે ડિરેક્ટર સુકુમારની પહેલી પસંદ અલ્લુ અર્જુન નહીં પરંતુ અભિનેતા મહેશ બાબુ હતો. સુકુમારે આ ફિલ્મ માટે મહેશ બાબુનો સંપર્ક કર્યો હતો, પરંતુ અભિનેતાએ આ ફિલ્મ તેની છબી સાથે મેળ ન ખાતી હોવાનું કહીને નકારી કાઢી હતી. મહેશ બાબુને ગ્રે શેડનું પાત્ર ભજવવાનું પસંદ નથી.

પૂજા હેગડે (pooja hegde) - 'પુષ્પા' ફિલ્મમાં લીડ એક્ટ્રેસ તરીકે પૂજા હેગડેને પસંદ કરવામાં આવી હતી. ડિરેક્ટર પૂજા હેગડેને કાસ્ટ કરવા માંગતા હતા. પરંતુ પૂજા હેગડે અને પ્રભાસની ફિલ્મ 'રાધે શ્યામ' સાથે પુષ્પા ફિલ્મની તારીખો ક્લેશ થતી હોવાથી પૂજાએ પણ આ ફિલ્મને ના પાડી દીધી હતી.

દિશા પાટની (disha patani) - પુષ્પા ફિલ્મના આઈટમ સોન્ગ માટે મેકર્સે સામંથા પહેલા બૉલીવુડ અભિનેત્રી દિશા પાટનીનો સંપર્ક કર્યો હતો, પરંતુ તેણે મોટી રકમની માંગણી કરી હતી. જે પછી આ આઈટમ સોન્ગ સામંથાને મળ્યું અને છવાઈ ગયું.

નોરા ફતેહી (nora fatehi) - અલ્લુ અર્જુનની ફિલ્મ 'પુષ્પા' માટે બોલિવૂડની નંબર વન ડાન્સર નોરા ફતેહીનો પણ સંપર્ક કરવામાં આવ્યો હતો, પરંતુ તેણે પણ ફિલ્મમાં આઈટમ સોન્ગ કરવા માટે મોટી ફી માંગી હતી. જે બાદ પેન ઈન્ડિયાની 'પુષ્પા' આ એક્ટ્રેસના હાથમાંથી નીકળી ગઈ.

વિજય સેતુપતિ (vijay sethupathi) - માસ્ટર ફેમ વિજય સેતુપતિને 'પુષ્પાઃ ધ રાઇઝ'માં મુખ્ય ભૂમિકા માટે સૌપ્રથમ પસંદ કરવામાં આવ્યો હતો પરંતુ તેણે પોતાના વ્યસ્ત શેડ્યૂલને કારણે તે ઓફર સ્વીકારી નહીં. બાદમાં આ પાત્ર મલયાલમ અભિનેતા ફહાદ ફાસીલને આપવામાં આવ્યું હતું.

નારા રોહિત (nara rohit) - સાઉથના સ્ટાર નારા રોહિતને પણ 'પુષ્પા'માં વિલન માટે અપ્રોચ કરવામાં આવ્યો હતો પરંતુ તેણે પણ તે ઓફર ઠુકરાવી દીધી હતી. આજે ફિલ્મ બ્લોકબસ્ટર થયા બાદ તેને પણ પછતાવો થઈ જ રહ્યો હશે.