19 કલાકમાં 'બાહુબલી'નાં થયા 867K ફોલોઅર્સ, તસવીરને મળી 287K લાઇક્સ

એન્ટરટેઇન્મેન્ટ ડેસ્ક: સાઉથ સિનેમાનાં સુપર સ્ટાર પ્રભાસ હવે ઇન્સ્ટાગ્રામ પર તેનું ડેબ્યુ કરી ચુક્યો છે. હાલમાં પ્રભાસે ન ફક્ત ઇન્સ્ટાગ્રામ અકાઉન્ટ બનાવ્યું પણ તેને તેની એક તસવીર પણ શેર કરી જે જોત જોતામાં લાખો વ્યુઝ હાંસેલ કર્યા છે. તો પ્રભાસનાં ઇન્સ્ટાગ્રામ પર આવતા જ તેનાં ફેન્સ પણ ખુબ ખુશ છે.

પ્રભાસે શેર કરેલી તસવીરને ઇન્સ્ટાગ્રામ પર 2.75 લાખથી વધુ વ્યુઝ મળ્યા છે. તો 8.5 લાખથી વધુ લોકો તેને ઇન્સ્ટાગ્રામ પર ફોલો કરવા લાગ્યા છે. અને આ સંખ્યા વધી જ રહી છે. પ્રભાસ ટૂંક સમયમાં જ 1 મિલિયન ફોલોઅર્સ પૂર્ણ કરી લેશે. જો પ્રભાસની ફિલ્મની વાત કરીએ તો બ્લોકબસ્ટર પિલ્મ બાહુબલી અને બાહુબલી-2 બાદ હવે પ્રભાસ 'સાહો'માં તેની જબર્દસ્ત એક્ટિંગની સાથે દર્શકોની વચ્ચે આવશે.

આગામી ફિલ્મ સાહોમાં બોલિવૂડની સુંદર એક્ટ્રેસ શ્રદ્ધા કપૂર પણ નજર આવવાની છે. શ્રદ્ધા 'સાહો' ફિલ્મથી સાઉથ ફિલ્મોમાં ડેબ્યુ કરશે. આ ફિલ્મમાં જેકી શ્રોફ, નીલ નિતિન મુકેશ, મંદિરા બેદી, ચંકી પાંડે, મહેશ માંજરેકર, અરૂણ વિજય અને મુરલી શર્મા લિડ રોલમાં છે. વર્ષ 2019માં રિલીઝ થનારી સાહો સુજીથનાં ડિરેક્શનમાં બની રહી છે.

પ્રભાસે ઇન્સ્ટાગ્રામ પર તેની એકજ તસવીર શેર કરી છે જેમાં તેનાં ફોલોઅર્સની સંખ્યા 867K છે જ્યારે તે કોઇને પણ ફોલો કરી રહ્યો નથી.