સીટ બેલ્ટ બાંધવાના નિયમ પર પૂજા ભટ્ટની કમેન્ટ, લખ્યું- તૂટેલા રસ્તાને સરખા કરાવવા વધારે જરૂરી છે

ટાટા સન્સના પૂર્વ ચેરમેન સાયરસ મિસ્ત્રીનું રોડ અકસ્માતમાં મોત બાદ કેન્દ્રીય મંત્રી નિતિન ગડકરીએ મોટો નિર્ણય લીધો છે. જેમાં દરેક વ્યક્તિને સીટ બેલ્ટ બાંધવાનો આદેશ આપવામાં આવ્યો છે. પાછળની સીટ પર બેઠેલા લોકોએ પણ સેલ્ટ બેલ્ટ પહેરવો ફરજિયાત છે નહીં તો ચલણ કાપવામાં આવશે.

આ નિયમ પર હવે ફિલ્મમેકર અને એક્ટ્રેસ પૂજા ભટ્ટે કટાક્ષભરી ટિપ્પણી કરી છે.

પૂજા ભટ્ટે ટ્વીટ કરી લખ્યું- સીટ બેલ્ટ્સ અને એર બેગ્સ પર થઈ રહેલી વાતચીત જરૂરી છે?, હાં પરંતુ તેનાથી પણ વધારે ખાડા અને તૂટેલા રસ્તાને સુધારવા જરૂરી છે. ક્યારે રસ્તાઓ, હાઈવે, ફ્રીવેના નિર્માણ માટે ખરાબ સામગ્રીનો ઉપયોગ કરનારા લોકોને અપરાધી માનવામાં આવશે. સાથે જ તે રસ્તાઓને મેન્ટેન કરવા જરૂરી છે જે એક વખત બની અને ધામધૂમથી તેનું ઉદઘાટન કરવામાં આવ્યું.

પૂજા ભટ્ટની ટ્વિટ વાયરલ થઈ રહી છે. ઘણા લોકો પૂજા ભટ્ટની વાતથી સહમત છે. તો કોઈ તેણે ટ્રોલ કરી રહ્યા છે. એક યુઝરે પૂજા ભટ્ટને ટિપ્પણી કરતા લખ્યું- મેમ આ એવું છે જેવી રીતે તમે સડક જેવી ફિલ્મ બનાવશો અને દરેક લોકો તેને જુએ છે. પરંતુ જો તમે સડક છાપ જેવી ફિલ્મ બનાવો છો અને તેને જોવા કોઈ નથી આવતું. એક યુઝરે કેન્દ્રીય મંત્રી નિતિન ગડકરી પર કટાક્ષ કર્યો છે.

પૂજા ભટ્ટના વર્કફ્રન્ટની વાત કરીએ તો 2020માં આવેલી ફિલ્મ સડક 2માં તેણે કેમિયો કર્યો હતો. આ મૂવી OTT પ્લેટફોર્મ પર રિલીઝ થઈ હતી. ફિલ્મને ક્રિટિક્સ અને પબ્લિકે નેગેટિવ રિવ્યુ આપ્યા હતા. ફિલ્મમાં સંજય દત્ત, આદિત્ય રોય કપૂર, આલિયા ભટ્ટ લીડ રોલમાં હતા. પૂજા ભટ્ટની અપકમિંગ ફિલ્મ ચુપ: રિવેન્જ ઓફ ધ આર્ટિસ્ટ છે. તેમાં સની દેઓલ, દુલકર સલમાન પણ જોવા મળશે. આ ફિલ્મ સિનેમાઘરોમાં 23 સપ્ટેમ્બર 2022ના રોજ રિલીઝ થશે.