બોલિવૂડ અભિનેતા આયુષ્માન ખુરાનાએ પંચકૂલાના સેક્ટર 6માં એક કોઠી ખરીદી છે. આયુષ્માન ખુરાનાએ સોમવારે પંચકૂલા તહસીલદાર કાર્યલયમાં પોતાની પત્ની તાહિરા કશ્યપ સાથે આ કોઠીની સેલ ડીડ કરવા પહોંચ્યા હતા. તેમણે આ કોઠી 9 કરોડ રૂપિયામાં ખરીદી છે. તેમાંથી 6 કરોડ 72 લાખ રૂપિયા એરનેસ્ટ મનીની રીતે આપ્યા છે. અને 6.75 લાખ રૂપિયાનું ટીડીએસ આપ્યું છે.
રજિસ્ટ્રી સમયે બે કરોડ 21 લાખ 25 રૂપિયા તેમણે આપ્યા હતા. આયુષ્માન ખુરાનાના પિતા વીરેન્દ્ર ખુરાના મકાન નંબર 1109 સેક્ટર પંચકૂલામાં જ રહે છે. આયુષ્માન અને તાહિરા આજે સેક્ટર 2માં રોકાયા હતા અને અહીંથી સીધા તહસીલદાર કાર્યાલય પહોંચ્યા હતા.
જો કે જેવા તહસીસ કાર્યાલયના કર્મચારીઓને ખબર પડી કે બોલિવૂડ સ્ટાર આયુષ્માન ખુરાના તેમની કચેરીમાં આવી રહ્યા છે. લોકો તેમની એક ઝલક મેળવવા ઉમટી પડ્યા. અને અનેક લોકોએ તેમની સાથે ફોટો પણ પડાવી.
આયુષ્માનને ત્રણ વાગે આવવાનું હતું. પણ તેમને ખબર પડી કે લોકોની ખૂબ ભીડ તેમને જોવા માટે લાગી છે તે કારણે તે લગભઘ સાંજે સવા ચાર વાગે ત્યાં પહોંચ્યા. તેમની સાથે બે બાઉન્સર પણ હતા. જેમણે આયુષ્માન અને તાહિરાને ભીડમાંથી પસાર થવા મદદ કરી.
આયુષ્માને આ કોઠી 9 કરોડ રૂપિયામાં ખરીદી છે. રજિસ્ટ્રેશન દરમિયાન તેમણે બે કરોડ 21 લાખ 25 હજાર રૂપિયા આપ્યા. આયુષ્માને આ કોઠી વેપારી સુભાષ બિંદ્રા અને વીના બિંદ્રાથી ખરીદી છે. ઉલ્લેખનીય છે કે સેક્ટર 6 વીવીઆઇપી સેક્ટર છે. અહીં અનેક મોટો વેપારી, આઇએએસ, આઇપીએસ અધિકારી રહે છે. આયુષ્માન ખુરાનાની આ જે કોઠી ખરીદી છે તે 869.50 સ્કેયર મીટર છે.
