5 કારણો જેનાંથી 300 કરોડને પાર ગઇ 'પદ્માવત', એક કારણ 'રાજપૂત' પણ

સંજય લીલા ભણસાળીની વિવાદિત ફિલ્મ 'પદ્માવત' રિલીઝ થયા બાદ બોક્સ ઓફિસ પર છવાઇ ગઇ છે. 25 જાન્યુઆરીએ રિલીઝ થયેલી આ ફિલ્મ ગ્લોબલ બોક્સ ઓફિસ પર રેકોર્ડ તોડ કમાણી કરી રહી છે. રિલીઝનાંનવમાં દિવસ સુધીમાં ફિલ્મે ભારતમાં 166 કરોડ રૂપિયાની કમાણી કરી લીધી છે. જ્યારે વિદેશમાં ફિલ્મે 134 કરોડ રૂપિયાનો બિઝનેસ કર્યો છે. આ સાથે જ ફિલ્મે અત્યાર સુધીમાં કૂલ 300 કરોડ રૂપિયાની કમાણી કરીલીધી છે. આ ફિલ્મની સફળતાનો શ્રેય પાંચ કારણોને જાય છે.

રાણી પદ્માવતીનાં કેરેક્ટરમાં જીવ રેડી દેનારી દીપિકા પાદુકોણનાં જેટલા વખાણ કરવામાં આવે એટલાં ઓછા છે. તેણે ફિલ્મમાં પોતાની સુંદર એક્ટિંગ, આંખો, લૂક અને ડાઇલોગ ડિલિવરીથી બધાનાં દિલ જીતી લીધા છે.

રણવીર સિંહે ખિલજીના પાત્રમાં જીવ રેડી દીધો. તેની સનકી આશિકની ભૂમિકા દર્શકોને પસંદ પડી છે. ખિલજીનાં રોલમાં તેણે પણ ખુબ વાહવાહી લુંટી છે.

તો રાજા રતન સિંહ રાવલનો શાંત અને શાલીન કિરદાર જે શાહિદે બખુબી અદા કર્યો તે પણ દર્શકોને ખુબ પસંદ પડ્યો છે. ઘણી જગ્યાએ શાહિદ રણવીર પર ભારે પડતો લાગે છે.

ફિલ્મનાં ડિરેક્ટર સંજય લીલા ભણસાળીએ તેનું ટેલેન્ટ બખુબી દર્શાવ્યું છે ફિલ્મની ભવ્યતા સાથે જ મ્યૂઝિક અને વિઝ્યુઅલાઇઝેશનમાં ભણસાળીને કોઇનાં પહોંચી શકે. ફિલ્મની સિનેમેટ્રોગ્રાફીનો કોઇ જવાબ નથી.

રાજપૂતી શાન માટે ફિલ્મ પર ઘણાં વિવાદ થયા છે. ઘણાં રાજ્યોમાં ફિલ્મને બેન કરવામાં આવી પણ રાજપૂતો વિરુદ્ધ એવું કંઇજ અણછાજતું ફિલ્મમાં દર્શાવવામાં આવ્યું નથી. જેને કારણે આટલો બધો વિવાદ વણસ્યોહતો. ફિલ્મ રાજપૂતોની શાનને ખાસ ટ્રિબ્યુટ આપતી છે. રાજપૂતોનાં શૌર્યને સુંદર રીતે ફિલ્મમાં દર્શાવવામાં આવ્યું છે.