લોકડાઉનમાં જો ભારતમાં કોઇ વ્યક્તિનું નામ બોલિવૂડમાં સૌથી વધુ ચર્ચામાં રહ્યું છે તો તે છે સોનુ સૂદ (Sonu Sood). જેમણે અનેક લોકોને મદદ કરીને એક તેવું ઉદાહરણ પુરું પાડ્યું છે જે હજી સુધી અવિરત ચાલું છે. અભિનેતા સોનૂ સુદે ગત થોડા સમયથી સતત કોઇને કોઇને મદદ કરી રહ્યા છે. તેમણે હજારો પ્રવાસી મજૂરોને તેમના ઘર સુધી પહોંચાડ્યા છે. હવે આ સારા કામને આગળ વધારતા સોનુ સુદે પંચકૂલાના મોરની વિસ્તારના એક ગામમાં બાળકોને ભણવામાં મદદ કરી છે.
સોનુ સુદે આ બાળકોને ભણવા માટે મોબાઇલ ફોન ભેટ કર્યો છે. જેથી બાળકો પોતાના ઘરે રહીને ઓનલાઇન ભણી શકે. સરકારી સ્કૂલના પ્રિન્સિપાલ પવન જૈન જણાવ્યું કે અમારા મોરની વિસ્તારના બાળકો કોટી ગામની સરકારી સ્કૂલમાં ભણે છે. અને તેમની પાસે મોબાઇલ ફોન ન હોવાના કારણે તેમના ઓનલાઇન ક્લાસીસ નહતા લઇ શકતા.
કેટલાક બાળકોને 4થી 5 કિલોમીટર રોજ ચાલીને બીજા બાળકોના ઘરે જવું પડતું હતું. જેથી તે બીજા બાળકોના ફોનને સહારે ભણી શકે.
પવન જૈને કહ્યું કે જ્યારે સોનુ સૂદને આ મામલે જાણકારી મળી તો તેમણે ચંદીગઢમાં રહેતા તેમના મિત્ર કરણ લૂથરાને સંપર્ક કર્યો અને આ બાળકોને મોબાઇલ ફોન અપાવ્યો. જે પછી તમામ બાળકોએ એક સાથે સોનુ સુદનો આભાર વ્યક્ત કર્યો છે.
