Nagma Love Affair: નગમાના પિતા ગુજરાતમાં રહ્યા, આ ચાર પરિણીત પુરૂષ સાથે સંબંધો રહ્યા, 47 વર્ષની ઉંમરે કુંવારી

પોતાના અભિનયના જોરે ભોજપુરી અને બોલિવૂડ પર રાજ કરનાર નગ્મા (Nagma) ને આજે ઈન્ડસ્ટ્રીમાં કોઈ ઓળખની જરૂર નથી. તેણે હિન્દી સિનેમામાં તેની કારકિર્દીની શરૂઆત સલમાન ખાનની ફિલ્મ 'બાગીઃ અ રિબેલ ફોર લવ' (Baghi–A Rebel For Love)થી કરી હતી. આજે તે એક રાજકારણી પણ છે. જેટલી ફિલ્મો અને કરિયર તેમનું લોકપ્રિય રહ્યું. એટલું જ, તેમનું અંગત જીવન પણ હેડલાઇન્સમાં રહ્યું છે. તેનું નામ એક નહીં પરંતુ 3 અભિનેતાઓ અને એક ક્રિકેટર સાથે જોડાયેલું છે. ચાર વકત પ્રેમ થવા છતા, તે હજુ સાચો પ્રેમ શોધી શકી નથી.

નગ્માનો જન્મ 1974માં એક મુસ્લિમ અને હિંદુ પરિવારમાં થયો હતો. વાસ્તવમાં તેની માતા મુસ્લિમ અને પિતા હિંદુ હતા. તેમના પિતા જેસલમેરના રાજવી પરિવારના હતા. બાદમાં તેઓ ગુજરાત અને પછી મુંબઈ શિફ્ટ થયા. અભિનેત્રીએ માત્ર હિન્દી જ નહીં પરંતુ ભોજપુરી અને સાઉથ સિનેમામાં પણ કામ કર્યું હતું.

હવે જો નગ્માના અંગત જીવન (Nagma Personal Life) પર નજર કરીએ તો, તે ખૂબ જ વિવાદાસ્પદ રહી છે. મીડિયા રિપોર્ટ્સ અનુસાર, તે અને ભારતીય ક્રિકેટ ટીમના કેપ્ટન સૌરવ ગાંગુલી (Sourav Ganguly) સાથે સીરિયસ સંબંધમાં હતા. આ વાત વર્ષ 2001ની છે. પરંતુ તેમણે તેને ગુપ્ત રાખ્યું. તેમના વિશે એવા અહેવાલ હતા કે, બંનેએ આંધ્રપ્રદેશના એક મંદિરમાં ગુપ્ત રીતે લગ્ન કરી લીધા હતા. જોકે, બાદમાં બંનેએ આ વાતને પણ નકારી કાઢી હતી.

જ્યારે કોઈપણ મેચમાં ભારતનું પ્રદર્શન ખરાબ રહેતું હતું ત્યારે તેના માટે નગ્માને જવાબદાર ઠેરવવામાં આવતી હતી. જો કે, એવું કહેવાય છે કે, પાછળથી તેમનું બ્રેકઅપ થઈ ગયું હતું અને અભિનેત્રી તેના જીવનમાં આગળ વધી ગઈ હતી.

સૌરવ ગાંગુલી સાથે બ્રેકઅપ થયા બાદ નગ્માનું નામ સાઉથ એક્ટર શરથ કુમાર (Sharath Kumar) સાથે જોડાયું હતું. શરથ કુમાર સાંસદ અને અભિનેતા બંને છે. તે પણ પહેલેથી જ પરિણીત હતો. બંને એકબીજા સાથે રિલેશનશિપમાં હોવા છતાં પણ તેમના સંબંધો સકારાત્મક વળાંક સુધી પહોંચ્યા ન હતા. જેમ જેમ શરથની પત્નીને તેમના અફેરની જાણ થઈ, તેઓએ તેમના વિવાહિત સંબંધોનો અંત લાવ્યો અને છૂટાછેડા માટે અરજી કરી. આ પછી અભિનેત્રીએ પણ અભિનેતા સાથેના સંબંધો તોડવાનો નિર્ણય કર્યો અને નગ્માનું સાઉથ કરિયરનો અંત આવી ગયો.

સાઉથની ફિલ્મોને અલવિદા કર્યા બાદ નગ્મા ભોજપુરી ફિલ્મો તરફ વળી. અહીં તેણે સુપરસ્ટાર રવિ કિશન સાથે ઘણી ફિલ્મોમાં કામ કર્યું અને લોકોને તેમની કેમેસ્ટ્રી ખૂબ જ પસંદ આવી. બાદમાં મીડિયામાં તેમના પ્રેમની ચર્ચાઓ પણ થવા લાગી. અભિનેતાએ એક ઇન્ટરવ્યુમાં તેના અને નગમાના સંબંધો વિશે પણ વાત કરી હતી. તેણે કહ્યું હતું કે, 'ઘરના દરેકને તેના અને નગમાના સંબંધો વિશે ખબર હતી. તેમની પત્ની પ્રીતિએ નગ્માને તેમના જીવનનો સર્વશ્રેષ્ઠ ભાગ તરીકે સ્વીકારી હતી. તે તેની પત્ની સાથે તેના વિશે જૂઠું બોલતો નથી.

રવિ કિશન સાથે બ્રેકઅપ થયા બાદ નગ્માનું નામ એક્ટર મનોજ તિવારી સાથે જોડાયું હતું. તે સમયે મનોજ અને રવિ કિશન વચ્ચે ઈન્ડસ્ટ્રીમાં મોટી સ્પર્ધા હતી. જો કે, મનોજ અને નગ્મા બંનેએ તેમના લિંકઅપના સમાચારને સ્પષ્ટપણે નકારી કાઢ્યા હતા. આ વિશે અભિનેત્રીએ એકવાર કહ્યું હતું કે, 'જો અમે બંને સાથે કામ કરી રહ્યા છીએ તો તેનો અર્થ એ નથી કે અમારી વચ્ચે કંઈ ચાલી રહ્યું છે. મનોજ તિવારી અને રવિ કિશન બંને પરિણીત છે.