17 વર્ષે બે દીકરાઓની મા બનનારી એક્ટ્રેસે 'નચ બલિયે'માં મુકી એક ખાસ શરત

સ્મોલ સ્ક્રિનની 'કોમોલિકા' એટલે ઉર્વશી ઢોલકિયા નચર બિયેમાં એન્ટ્રી કરી ચુકી છે. આ શો પર તે તેનાં એક્સ બોયફ્રેન્ડ અનુજ સચદેવની સાથે ડાન્સ કરતી નજર આવશે. 19 જુલાઇએ ખાસ એપિસોડમાં શોનાં પ્રોડ્યુસર સલમાન ખાન પોતે જોડીઓનું ઇન્ટ્રોડક્શન આપી રહ્યાં છે.

આ સમયે જ્યારે ઉર્વશી સ્ટેજ પર આવી તો તે છવાઇ ગઇ હતી. કારણ હતું સ્મોલ સ્ક્રિનની જુની ખેલાડી લાંબા સમય બાદ સ્ક્રિન પર જોવા મળી. આ શોમાં તે તેનાં એક્સ બોયફ્રેન્ડ અનુજ સચદેવ સાથે આવી હતી.

'નચ બલિયે'માં પોતાનાં ઇન્ટ્રોમાં તેણે પર્સનલ લાઇફનાં સ્ટ્રગલ અંગે વાત કરી. તેણે કહ્યું કે, તેણે 16 વર્ષની ઉંમરે લગ્ન કરી લીધા હતાં. 17 વર્ષની ઉંમરે તેને બે જોડકા બાળકો ક્ષિતિજ અને સાગરને જન્મ આપ્યો. બાળકોનાં જન્મ બાદ એક વર્ષમાં એટલે 18 વર્ષની ઉંમરથી તે તેમને એકલાં જ પાળે છે. ઉર્વશીનાં દીકરાઓએ પણ તેની માનાં વખાણ કર્યાં.

બાળકોએ કહ્યું કે 'મા ઇચ્છતી તો તે બીજા લગ્ન કરી શકતી હતી. પણ તેનાં માટે પરિવાર સૌથી પહેલાં હતો. તેથી તેણે ક્યારેય આ અંગે વિચાર્યું ન હતું'

બાળકોની વાત સાંભળીને ઉર્વશી ઇમોશનલ થઇ ગઇ હતી. જે બાદ તેનાં શો પાર્ટનર અને એક્સ બોયફ્રેન્ડ અનુજ સચદેવનું ઇન્ટ્રોડક્શન થયું.

અનુજની સાથે સ્ટેજ પર આવ્યા બાદ ઉવર્શીએ સલમાન ખાન સામે એક શરત મુકી. તેણે કહ્યું કે, હું નથી ઇચ્છતી કે કોઇ અમારા સંબંધને ટેગ કરે.

સલમાન પણ તેની શરતથી સહેમત થયો અને કહ્યું કે આવું કંઇજ નહીં થાય.