2018માં થઇ રહ્યાં છે 4 મોટા લગ્ન, શું રણબીર-આલિયા પણ લેશે ફેરા?

આ વર્ષ પૂર્ણ થવાને હવે બે મહિના બાકી છે ત્યારે બોલિવૂડમાં ત્રણ સેલિબ્રિટીઝનાં લગ્નની વાતો ચાલી રહી છે. જેમાં બે તો કન્ફર્મ છે કે તેઓ આ વર્ષનાં અંતમાં જ લગ્ન કરી રહ્યાં છે જ્યારે ત્રીજી જોડી રણબીર કપૂર અને આલિયા ભટ્ટની છે જેમનાં પણ લગ્નની વાતો હાલમાં ચાલી રહી છે. તો આ પહેલાં સોનમ કપૂર અને આનંદ આહુજાનાં લગ્ન આ વર્ષે મે મહિનામાં લગ્ન કર્યા હતાં.

વાતો છે કે રણબીર કપૂરનાં પિતા રિશિ કપૂરની તબિયત નાદુરસ્ત હોવાને કારણે તેઓ પણ આ વર્ષનાં અંત સુધીમાં લગ્ન કરી લે તેમ છે. તેમનાં લગ્નની તારીખોને લઇને પણ ચર્ચાઓ થઇ રહી છે. ઓગષ્ટ મહિનામાં જ રણબીરે કહ્યું હતું કે, તે લગ્ન અંગે કોઇ જ પ્રકારની ઉતાવળ કરવા માંગતો નથી. રણબીરે કહ્યું હતું કે, 'લગ્ન એક એવી બાબત છે જે આપમેળે થઇ જાય છે.'

રણવીરે આ વિશે કહ્યું હતું કે, આ આપનાં અને આપનાં પાર્ટનરનાં મનમાં પ્રાકૃતિક રીતે આવવું જોઇએ, આ અનુભવ આપ બંનેએ જ મહેસુસ કરવાનો છે. જ્યારે બંને સંમત્તીથી આ સંબંધને આગળ લઇ જવાનું વિચારે ત્યારે જ લગ્ન શક્ય છે. હાલમાં અમારા મનમાં એવો કોઇ વિચાર નથી.''

કપૂર પરિવારનાં એક નિકટના વ્યક્તિ સાથે વાતચીતમાં જાણવા મળ્યું કે,' તે (આલિયા) ઘરમાં સૌને પસંદ છે ફક્ત એટલું જ નહીં રણબીર- આલિયા એકબીજાને પ્રેમ કરે છે. રણબીરનાં માતા-પિતા તેની બહેન અને બાકી સૌ કોઇ તેનાં વખાણ કરતાં થાકતા નથી. રણબીરનાં મનમાં જો લગ્નનો વિચાર હશે તો તેનાં ઘરવાળા તુરંત જ તે માટે હામી ભરી દેશે. '

રણવીર સિંઘ અને દીપિકા પાદુકોણ તો આ જ મહિનામાં 14-15 તારીખે લગ્ન કરવા જઇ રહ્યાં છે. તેમનાં લગ્નનું વેન્યુ હાલમાં કન્ફર્મ નથી થયું.. તેઓ કાં તો ઇટાલીમાં કાં તો બેંગલુરૂમાં લગ્ન કરી શકે તેવી વાતો છે.

તો ડિસેમ્બર મહિનામાં પ્રિયંકા ચોપરા અને નિક જોનસ લગ્નનાં બંધનથી બંધાય તેવી વાતો છે. પ્રિયંકા અને નિક ડિસેમ્બર મહિનાની 1-2 તારીખમાં લગ્ન કરવાનાં છે તેમનાં લગ્ન ઉદેપુરમાં થશે.

તો આ વર્ષે મે મહિનામાં જ સોનમ કપૂર અને આનંદ આહુજા લગ્નનાં બંધનથી બંધાયા હતાં તેમનાં લગ્નની તસવીરોએ ઇન્ટરનેટ પર ધૂમ મચાવી હતી.

સોનમ અને આનંદનાં લગ્નનાં દિવસે જ એટલે કે 8 મેનાં રોજ જ નેહા ધુપીયાએ અંગદ બેદી સાથે ગુપચુપ લગ્ન કર્યા હતાં.

રણવીર-દીપિકાનાં લગ્નનને હવે ગણતરીનાં દિવસો જ બાકી છે

આ જોડીનાં લગ્ન બાદ તેઓ બે જગ્યાએ રિસેપ્શન આપવાનાં છે એક તો મુંબઇમાં તમામ ફિલ્મી સેલિબ્રિટીઝ માટે અને બીજુ બેંગ્લુરુમાં ત્યાં દીપિકાનાં અંગત પરિવારજનો જ હાજર રહેશે

સોનમ અને આનંદનાં લગ્નમાં આખુ બોલિવૂડ ઝુમ્યુ હતું અને આ લગ્નની તસવીરો સોશિયલ મીડિયા પર ભરપુર વાઇરલ થઇ હતી

આનંદ આહુજા અને સોનમની જોડી જામે છે