આગામી વર્ષે અર્જુન કપૂર અને મલાઇકા અરોરા કરશે લગ્ન?

અર્જુન કપૂર અને મલાઇકા અરોરાનું નામ હાલના દિવસોમાં વધારે ચર્ચામાં છે. તેની શરૂઆત મિલાન એરપોર્ટ બંનેની હાથમાં હાથ નાખીને ફરતી તસવીર વાયરલ થયા પછી થઈ છે.

આ તસવીર પહેલા પણ બંનેના અફેરની ચર્ચા જોરશોરથી ચાલી રહી હતી. પણ તે સમયે મલાઇકાએ એમ કહીને ના પાડી હતી કે અમે ફક્ત મિત્ર છીએ. મલાઇકાનું કહેવું છે કે લોકો આ સંબંધને ખોટું નામ આપીને પબ્લિસિટી આપી રહ્યા છે.

હવે ફરી મલાઇકા અને અર્જુન કપૂરનું નામ અફેર માટે ચર્ચાઈ રહ્યું છે. ફિલ્મ ફેયરમાં આવેલા રિપોર્ટ પ્રમાણે આ કથિત કપલ આગામી વર્ષે એટલે કે 2019 સુધી પોતાના સંબંધને નામ આપી શકે છે. તેનો મતલબ એવો છે કે મલાઇકા અને અર્જુન આગામી વર્ષે લગ્ન કરવાનું વિચારી રહ્યા છે.

મલાઇકા અને અર્જુનના નજીકના મિત્રએ ફિલ્મ ફેયર સાથે વાતચીતમાં કહ્યું હતું કે બંને એકબીજા સાથે ઘણો સમય પસાર કરવાનું પસંદ કરે છે. તેમણે ક્યારેય એકબીજા વિશે કશું કહ્યું નથી. તે આ સંબંધને લઈને ઘણા ખુશ છે.

સુત્રોના મતે આ સંબંધમાં બધુ યોગ્ય ચાલી રહ્યું છે. તેથી મલાઇકા અને અર્જુન એક કદમ આગળ વધી જલ્દી લગ્નનું નામ આપવાનું વિચારી રહ્યા છે.