આ પાંચ લોકો છે મલાઈકા અને અર્જુનના પ્રેમના દુશ્મન, જાણો શું છે કારણ

મુંબઇ: મલાઈકા અરોરા અને અર્જુન કપૂર વચ્ચેનો પ્રેમ જગજાહેર છે, તેઓ સમયાંતરે એકબીજા સાથે જોવા મળે છે. તાજેતરમાં જ મલાઈકા અને અર્જુનના લગ્નની તૈયારીની વાત પણ સામે આવી હતી. પરંતુ હજુ સુધી બંનેના લગ્ન થયા નથી. તેમના લગ્ન ન થવા પાછળ કેટલાક લોકો જવાબદાર હોવાનું માનવામાં આવે છે. Bollywoodlifeના અહેવાલમાં મલાઈકા અને અર્જુનના લગ્ન ન થવા પાછળ 5 લોકોને જવાબદાર ગણવામાં આવ્યા છે. આ પાંચ લોકોમાં બોલિવૂડના ટોચના કલાકારોના નામ પણ સામેલ છે.

બોની કપૂર - બોની કપૂર અર્જુન કપૂરના પિતા છે. તેઓને અર્જુન અને મલાઈકાનો આ સંબંધ પસંદ નથી. તેના પાછળ સલમાન ખાન સાથેની મિત્રતા પણ કારણભૂત છે. બંને સારા મિત્રો છે જેથી સલમાન અને તેના પરિવાર સાથે સંબંધ બગડે તેવું બોની કપૂર ઇચ્છતા નથી.

સોનમ કપૂર - સોનમ કપૂર અને મલાઈકા અરોરા વચ્ચે ઘણા સમય પહેલા ઝગડો થયો હતો. બંને એક પાર્ટી દરમિયાન ઝઘડ્યા હતા. આ કારણે બંને વચ્ચે અબોલા છે.

અંશુલા કપૂર - અંશુલા અર્જુન કપૂરની બહેન છે. તેને ભૂતકાળમાં અર્જુન અને મલાઈકા વચ્ચેના સંબંધોથી તકલીફ હતી. તેને મલાઈકા ગમતી નહોતી. પણ હવે સમય જતાં તેના વિચારો બદલાઈ રહ્યા છે.

અરબાઝ ખાન - અરબાઝ ખાન અને મલાઈકા અરોરાના છૂટાછેડા વર્ષો પહેલા થઇ ચુક્યા છે. અરબાઝ ખાન વર્તમાન સમયે જ્યોર્જીયાને ડેટ કરી રહ્યો છે. પણ અહેવાલો મુજબ તે મલાઈકા અને અર્જુનના લગ્ન ન થાય તેવું ઈચ્છે છે.

સલમાન ખાન - સલમાન ખાન મલાઈકાના પૂર્વ પતિ અરબાઝ ખાનનો ભાઈ છે. સલામત ખાન અને બોની કપૂર વચ્ચે સારી મિત્રતા છે. અહેવાલો મુજબ અર્જુન અને મલાઈકાના લગ્ન થાય તેવું સલમાન પણ નથી ઇચ્છતો.

અહી ઉલ્લેખનીય છે કે, પોતાની પર્સનલ લાઇફ માટે હંમેશા હેડલાઇન્સમાં રહેતો અર્જુન હાલ દુનિયાના સૌથી રોમેન્ટિક શહેર પેરિસમાં મલાઇકા સાથે વેકેશન મનાવી રહ્યો છે. મલાઈકા અને અર્જુન બંનેની ઉંમરમાં ઘણો ફરક છે. મલાઇકાના લગ્ન થઈ ચૂક્યા હતા. જેથી આ કપલને ઘણી મુશ્કેલીઓનો સામનો કરવો પડ્યો છે. તેમને ઘણીવાર ટ્રોલ કરવામાં આવે છે, પરંતુ મલાઇકા અને અર્જુન બંને એકબીજાને ખૂબ સારી રીતે સમજે છે. તેમની ગણતરી બોલિવૂડના પાવર કપલ્સમાં થાય છે.