દેશની સૌથી 'સુંદર' સાંસદ! પ. બંગાળથી ચૂંટણી જીતી પહોંચી સંસદ

લોકસભા ચૂંટણી 2019 જીતીને 17મી લોકસભાનો ભાગ બનેલી પશ્ચિમ બંગાળની મિમી ચક્રવતીની સોશિયલ મીડિયા પર ખુબ ચર્ચા થઈ રહી છે. તેને સૌથી સુંદર સાંસદ બતાવવામાં આવી રહી છે. અસલમાં રાજનીતિમાં આવ્યા પહેલા મિમી ચક્રવર્તી એક ફિલ્મ અભિનેત્રી રહી છે. આ વર્ષે પણ તેની બે ફિલ્મ રીલિઝ થવા તૈયાર છે.

મિમી ચક્રવર્તીને આ વખતે મમતા બેનરજીએ તૃણમૂલ કોંગ્રેસની ટિકીટ આપી ચૂંટણી મેદાનમાં ઉતારી હતી. મિમીએ પશ્ચિમ બંગાળની જાદવપુર સીટ પરથી ઉમેદવારી નોંધાવી હતી.

મિમીએ જાદવપુર સીટ પરથી 47.91 ટકા વોટ શેર સાથે કુલ 688472 વોટ મેળવ્યા. જ્યારે તેના વિરોધી બીજેપીના ઉમેદવાર અનુપમ હજારેને 27.37 ટકા વોટ શેર સાથે કુલ 393233 વોટ મળ્યા.

મિમીએ પોતાના વિરોધીઓેને ત્રણ લાખ વોટના અંતરથી હરાવ્યા. ચૂંટણી પ્રચાર દરમ્યાન તેની પર વિરોધીઓએ ઘણા પ્રચાર પ્રહાર કર્યા હતા, એક વીડિયો પણ વાયરલ થયો હતો.

મિમી એક પ્રોફેશનલ ફિલ્મ અભિનેત્રી છે. તેણે સ્કિનને લઈ સચેત રહેવું પડે છે. પરંતુ પ્રચારમાં તેણે શરીરનું બહુ ધ્યાન ન આપ્યું. તે સમયે મિમી દ્વારા ભરવામાં આવેલા એક પગલાનો વીડિયો વાયરલ થઈ ગયો હતો.

આ મામલો હેન્ડ ગ્લોઝ પહેરી લોકોને હાથ મિલાવવાનો હતો. વાયરલ વીડિયો એટલો ફેલાયો કે, તેણે તેની સ્પષ્ટતા કરવી પડી હતી.

જોકે, આ વીડિયોનો વધારે પ્રભાવ ન પડ્યો. દેશમાં મોદી લહેર હોવા છતા મિમીએ સારા એવા મતથી જીત મેળવી.

તેણે અભિનય કરિયરની શરૂઆત 2008માં શરૂ કરી હતી. પરંતુ ટીવી સિરીયલ ગનેર અપોરથી વધારે ક્યાતી પ્રાપ્ત થઈ.

તેણે લગભગ 10 વર્ષ બંગાળી સિનેમામાં સારા રોલ કરી ચુકી છે. અત્યાર સુધીમાં તેણે વર્ષ 2012 બાપી બારી જા બાદ 21 ફિલ્મો કરી ચુકી છે.

મિલીને અભિનય માટે અત્યાર સુધીમાં ચાર એવોર્ડ મળી ચુક્યા છે.

મિમીની ઉંમર હાલમાં 30 વર્ષ છે. તેનો જન્મ પશ્ચિમ બંગાળના જલપાઈગુડી શહેરમાં વર્ષ 1989માં થયો હતો. બાળપણ અરૂણાચલમાં વિતાવ્યું. અભ્યાસ જલપાઈગુડી શહેરમાં કર્યો.

ગાનેર ઓપાર અને બાપી બારી જા હિટ થયા બાદ તેને પૂરા દેશમાં ઓળખ મળી. ત્યારબાદ તે પશ્ચિમ બંગાળની મુખ્યમંત્રી મમતા બેનરજીના સંપર્કમાં આવી.

મમતાના સંપર્કમાં આવ્યા બાદ તેણે રાજનીતિમાં આવવાનો વિચાર કર્યો. અને હવે તે જાદવપુરથી ચૂંટણી જીતી દેશની સૌથી સુંદર સાંસદમાંની એક બની છે.