Lock Upp : કંગના રનૌતના લોકઅપના કેદીઓએ લીધી છે મોટી ફી, જાણો કોણ લે છે કેટલી ફી

Lock Upp : લોક અપ એક રિયાલિટી શો (Lock upp Show) છે જેમાં સેલિબ્રિટી સ્પર્ધકો 72 દિવસ માટે 'ક્વીન' કંગના રનૌતની જેલમાં બંધ છે. આ શો બે અઠવાડિયા કરતાં વધુ સમયથી ચાલી રહ્યો છે. આ રમત દરરોજ રસપ્રદ બની રહી છે. જેલમાં લોકોના પોત-પોતાના મંતવ્યો હોય છે, જેના કારણે દલીલો અને ઝઘડા થાય છે. લોક-અપમાં રહેતા આ સેલિબ્રિટીઓએ કેદી તરીકે રહેવા માટે તગડી રકમ લીધી હતી. દર અઠવાડિયાની આ લોકોની ફી જાણીને તમને પણ નવાઈ લાગશે. રિપોર્ટ્સ અનુસાર, કંગના રનૌત (kangana ranaut) પોતે આ શો માટે 1 કરોડ રૂપિયા ચાર્જ લઈ રહી છે.

નિશા રાવલ (Nisha rawal) આ લોકઅપની પ્રથમ કેદી છે. નિશા રાવલ ગત વર્ષથી પતિ કરણ મહેરા સાથેના વિવાદ બાદ ચર્ચામાં છે. મીડિયા રિપોર્ટ્સ અનુસાર, તે દર અઠવાડિયે લગભગ 2 લાખ રૂપિયા ફી લે છે.

સોશિયલ મીડિયા પર કંગના રનૌત પર કટાક્ષ કરનાર મુનવ્વર ફારૂકી (munawar faruqui) પણ આ જેલનો કેદી છે. તે સોશિયલ મીડિયા પર ખૂબ જ લોકપ્રિય છે. મુનવ્વર કંગનાના જેલમાં રહેવા માટે દર અઠવાડિયે 3 થી 3.5 લાખ રૂપિયા ચાર્જ કરે છે.

કરણવીર બોહરા (karanvir bohra) શોના સૌથી ચર્ચિત સ્પર્ધકોમાંથી એક છે. હાલમાં જ તે પત્ની તીજય સંધુ સાથેના લગ્નનો ઉલ્લેખ કરતી વખતે ભાવુક થતો જોવા મળ્યો હતો. તેણે શેર કર્યું કે, કેવી રીતે તેણે અને તેની પત્નીએ તેમની પુત્રી, જિયા પહેલાં એક બાળક ગુમાવ્યું. કહેવામાં આવી રહ્યું છે કે, કરણવીર બોહરા દર અઠવાડિયે 4 લાખ રૂપિયા ચાર્જ કરે છે.

ફેશન ડિઝાઇનર સાયશા શિંદે (saisha shinde) કંગના રનૌતની જેલનો એક ભાગ છે. તે ટ્રાન્સ વુમન તરીકેના તેના પરિવર્તન માટે ચર્ચામાં આવી હતી. તાજેતરમાં તેણે સારા ખાન સાથે મુનવ્વર ફારૂકી વિશે તેના દિલની વાત શેર કરી હતી. ડિઝાઇનર્સ દર અઠવાડિયે 3 લાખ ચાર્જ કરી રહી છે.

સારા ખાન (Sara khan) વર્ષ 2010માં બિગ બોસ 4માં જોવા મળી હતી. અલી મર્ચન્ટ સાથે લગ્ન કર્યા બાદ તે ફરી હેડલાઈન્સમાં છવાઈ ગઈ. જોકે, શો પછી બંને અલગ થઈ ગયા હતા. તે લોક-અપમાં કેદી તરીકે જીવી રહી છે અને મીડિયા રિપોર્ટ્સ અનુસાર, તે દર અઠવાડિયે ફી તરીકે 2.5 લાખ રૂપિયા લે છે.

પાયલ રોહતગી (payal rohatgi) શોની સૌથી ચર્ચિત સ્પર્ધકોમાંથી એક છે. પાયલ રોહતગીની હોસ્ટ કંગના રનૌત પ્રીમિયરની રાતથી જ વિવાદમાં છે. કંગનાના લોકઅપમાં કેદી બનવા માટે પાયલને દર અઠવાડિયે 3 લાખ રૂપિયા પણ આપવામાં આવી રહ્યા છે.

શોની સૌથી વિવાદાસ્પદ કેદીઓમાંની એક, પૂનમ પાંડે (Poonam Pandey) એ તાજેતરમાં તેના માનસિક સ્વાસ્થ્ય વિશે ખુલાસો કર્યો. તેણીએ લોકોને તેના પતિ સેમ બોમ્બે દ્વારા કરવામાં આવેલા અત્યાચાર વિશે કહીને દંગ કરી દીધા હતા. તે કંગનાની જેલમાં સૌથી બોલ્ડ અને સિઝલિંગ કેદી છે. પૂનમ પાંડે લોકઅપમાં રહેવા માટે એક અઠવાડિયા માટે 2 થી 3 લાખ રૂપિયા ચાર્જ કરે છે.

લોકઅપ પહેલા, સિદ્ધાર્થ શર્મા (siddharth sharma) કેટલાક યુવા આધારિત રિયાલિટી શોમાં દેખાયો છે. સિદ્ધાર્થ તેના સાથી કેદી શિવમ શર્મા સાથેના ઝઘડાને કારણે ચર્ચામાં રહ્યો હતો. આ શોમાં આવવા માટે સિદ્ધાર્થ દર અઠવાડિયે 2 થી 2.5 લાખ રૂપિયા ચાર્જ કરી રહ્યો છે.

કંગનાની જેલની સૌથી નાની વયની કેદી અંજલિ અરોરા (Anjali arora) સોશિયલ મીડિયા પ્રભાવક છે. સોશિયલ મીડિયા પર લોકો તેના દિવાના છે. લગભગ 1 કરોડ લોકો તેને ફોલો કરે છે. કંગનાએ હાલમાં જ તેને પૂછ્યું કે, લોકો તેને આટલા ફોલો કેમ કરે છે. રિપોર્ટ્સ અનુસાર, અંજલીને એક અઠવાડિયા માટે 2.5 થી 3 લાખ રૂપિયા આપવામાં આવી રહ્યો છે.