35 વર્ષની ઉંમરમાં 10 વાર દુલ્હન બની સાઉથ એક્ટ્રેસ, પોતે જ કર્યો ખુલાસો; લગ્નના થોડા દિવસ પહેલા જ તૂટી સગાઇ

હા, તમે બિલકુલ સાચું સાંભળ્યું છે, સાઉથ ફિલ્મોની 35 વર્ષની એક્ટ્રેસ શ્રદ્ધા આર્યા 10 વખત દુલ્હન બની છે. તેણે પોતાનો બ્રાઈડલ ગેટઅપ સોશિયલ મીડિયા પર શેર કર્યો છે, જેમાં તે લગ્નની વિધિઓ કરતી અને પતિ રાહુલ નાગલ સાથે નહીં પણ કોઈ અન્ય સાથે મસ્તી કરતી જોઈ શકાય છે.

ખરેખર, શ્રદ્ધા આર્યના લગ્ન સાથે જોડાયેલો મામલો કોઈ રિયલ નથી, પરંતુ તે રીલનો છે. જી હા, આ દિવસોમાં તે ટીવી સીરિયલ 'કુંડળી ભાગ્ય'માં કામ કરી રહી છે અને આ શોમાં તે એક નહીં પરંતુ 10 વખત દુલ્હન બની છે. આ વાતનો ખુલાસો ખુદ એક્ટ્રેસે કર્યો છે.

શ્રદ્ધાએ તેના લગ્નના મંડપના ઘણા ફોટા શેર કર્યા છે. આ શેર કરવાની સાથે તેણે લખ્યું, 'જ્યારે તમે એક જ શોમાં 10મી વાર લગ્ન કરો છો અને પછી તમે શા માટે, ક્યારે અને કોની સાથે...'ની ચિંતા કર્યા વિના લગ્ન કરી લો છો. કારણ કે આ મારું કુંડળી ભાગ્ય છે.

સોશિયલ મીડિયા પર સામે આવેલા ફોટામાં જોવા મળી રહ્યું છે કે એક્ટ્રેસ તેના કો-એક્ટર સાથે દુલ્હનના ડ્રેસમાં જોવા મળી રહી છે અને આ દરમિયાન તે ખૂબ જ મસ્તીના મૂડમાં જોવા મળી રહી છે. લોકો આ અંગે કોમેન્ટ્સ પણ કરી રહ્યા છે. તેની પોસ્ટને બે લાખથી વધુ લાઈક્સ મળી છે.

શ્રદ્ધાની પોસ્ટ પર લોકોના રિએક્શન વિશે વાત કરીએ તો એકે લખ્યું, 'કરો કરો... તમારું દિલ ઘણું મોટું છે'. તે જ સમયે, સુપ્રિયા રૈના શુક્લાએ લખ્યું, 'તમે ફરીથી લગ્ન કરી લીધા'. એવી જ રીતે લોકો તેની પોસ્ટ પર કોમેન્ટ કરી રહ્યા છે અને ટીવી સીરિયલને લગતા સવાલો પણ પૂછી રહ્યા છે. ફેન્સ પણ તેને લઈને ખૂબ જ એક્સાઇટેડ દેખાઈ રહ્યા છે.

તમને જણાવી દઈએ કે શ્રદ્ધા આર્યા રિયલ લાઇફમાં નેવી ઓફિસર રાહુલ નાગલની પત્ની છે. પરંતુ તેની સાથે લગ્ન કરતા પહેલા સગાઈ તૂટવાનું દુખ તેણે સહન કર્યુ છે. તેના જીવનમાં બે વ્યક્તિઓ ખાસ રહી છે. તેની એક સાથે સગાઈ પણ થવાની હતી, પરંતુ તેના થોડા દિવસો પહેલા તેણે સગાઈ તોડી નાખી હતી.

આ વર્ષ 2015 ની વાત છે, જ્યારે તેણીની સગાઈ એનઆરઆઈ બિઝનેસમેન જયંત રત્તી સાથે થઈ હતી. પરંતુ સગાઈ પહેલા જ તેઓએ તેમના સંબંધો તોડી નાખ્યા હતા. તેની પાછળનું કારણ કંપેટિબિલીટી ઇશ્યુ હોવાનું કહેવાય છે. કહેવાય છે કે લગ્ન પહેલા જયંતે એક્ટ્રેસ સામે એક મોટી શરત મૂકી હતી કે તેણે એક્ટિંગ છોડવી પડશે. આ વાત તેને ખટકી અને તેણે સંબંધ તોડી નાખ્યો.

આ પછી આલમ સિંહ મક્કીરની શ્રદ્ધાના જીવનમાં એન્ટ્રી થઇ. તેઓ ટીવી શો 'નચ બલિયે'માં સાથે જોવા મળ્યા હતા. જો કે, તેમના રિલેશન લાંબો સમય ટકી શક્યા નહીં અને તેઓ અલગ થઇ ગયા. અંતે, એક્ટ્રેસને રાહુલ નાગલના રૂપમાં સાચો પ્રેમ મળ્યો. (Photos- Shraddha Arya Instagram)