KL Rahul Wedding: કેએલ રાહુલ અને આથિયા શેટ્ટીના લગ્નમાં સાથી ખેલાડીઓ નહીં આપે હાજરી, જાણો કારણ

કેએલ રાહુલ ટૂંક સમયમાં લગ્નના બંધનમાં બંધાવા જઈ રહ્યો છે. હાલમાં તે શ્રીલંકા સામેની વનડે સિરીઝમાં યોજાઈ રહેલી ભારતીય ટીમનો ભાગ છે. સિરીઝની છેલ્લી મેચ 15 જાન્યુઆરી, રવિવારે તિરુવનંતપુરમમાં રમાશે. ભારતીય ટીમ સિરીઝમાં 2-0થી આગળ છે.

રાહુલે બીજી વનડેમાં અડધી સદી ફટકારીને ટીમને જીત અપાવી હતી. શ્રીલંકા સીરીઝ બાદ ટીમને ન્યુઝીલેન્ડ સામે ઘરઆંગણે 3 વન ડે સિરીઝ અને 3 T20 મેચ રમવાની છે. બીસીસીઆઈએ શુક્રવારે સિરીઝ માટે ટીમની જાહેરાત કરી હતી. રાહુલને બંને ટીમમાં સ્થાન મળ્યું નથી.

બોર્ડે જણાવ્યું કે કેએલ રાહુલ પારિવારિક કારણોસર ટીમનો ભાગ નથી. મળતી માહિતી મુજબ, 23 જાન્યુઆરીએ રાહુલ મુંબઈમાં બોલિવૂડ એક્ટ્રેસ આથિયા શેટ્ટી સાથે લગ્ન કરવા જઈ રહ્યો છે. જોકે, વિરાટ કોહલીથી લઈને રોહિત શર્મા ભાગ્યે જ તેમાં સામેલ થઈ શકે છે.

ભારતે 24 જાન્યુઆરીએ ન્યૂઝીલેન્ડ સામે ત્રીજી વનડે મેચ રમવાની છે. ઈન્દોરમાં બપોરે 1.30 વાગ્યાથી મેચ રમાશે. લગ્ન મુંબઈમાં થવાના છે. આવી સ્થિતિમાં, ટીમના મોટાભાગના ખેલાડીઓ માટે તેમાં જોડાવું મુશ્કેલ છે. પરંતુ વિજય સાથે તેઓ ચોક્કસપણે રાહુલને એક મોટી અને ખાસ ભેટ આપશે.

ભારત અને ન્યુઝીલેન્ડ વચ્ચે 27 જાન્યુઆરીથી T20 સીરીઝ શરૂ થઈ રહી છે. રોહિતથી લઈને કોહલી ટી-20 ટીમમાં સામેલ નથી. આવી સ્થિતિમાં બંને લગ્ન બાદ યોજાનાર કાર્યક્રમમાં ભાગ લઈ શકે છે. આ સિવાય એમએસ ધોનીથી લઈને મયંક અગ્રવાલ રાહુલના લગ્નમાં પહોંચશે તેવું કહેવામાં આવી રહ્યું છે.

કેએલ રાહુલ લગ્ન બાદ ઓસ્ટ્રેલિયા સામે પ્રથમ શ્રેણી રમશે. ભારત અને ઓસ્ટ્રેલિયા વચ્ચે 4 મેચની ટેસ્ટ સિરીઝ 9 ફેબ્રુઆરીથી શરૂ થઈ રહી છે. આ સિરીઝ માટે રાહુલને વાઈસ કેપ્ટન પણ બનાવવામાં આવ્યો છે. વર્લ્ડ ટેસ્ટ ચેમ્પિયનશિપની ફાઇનલમાં પહોંચવા માટે ટીમ ઇન્ડિયાને આ સિરીઝ જીતવી પડશે.