'ખિચડી'ની ચક્કીને થઇ'તી 'કોમ્પ્રોમાઇઝ' કરવાની ઓફર, એટલે છોડી દીધી એક્ટિંગ

ટીવી શો 'ખીચડી'માં ચક્કીનો પાત્ર ભજવનાર એક્ટ્રેસ રિચા ભાદરા છેલ્લા ઘણાં સમયથી ટીવીની દુનિયાથી દૂર છે. અને તેણે આ ટીવીની દૂનિયાથી દૂરી બનાવી લેવા પાછળનું કારણ પણ જણાવ્યું છે.

'શો બિઝ'ને આપેલાં ઇન્ટરવ્યૂમાં રિચાએ જણાવ્યું હતું કે, 'મે ઘણી વખત કમબેક કરવાનું વિચાર્યું પરંતુ બોડી શેંમિંગ અને કાસ્ટિંગ કાઉચના કારણે ન કરી શકી'

જે બાદ તેણે ઉમેર્યું કે, તેણે લગ્ન કરી લીધા છે અને લગ્ન બાદ પણ તેણે ઘણી વખત ઇન્ડસ્ટ્રીમાં કમબેક કરવાનો પ્રાયસ કર્યો હતો. રિચા કહે છે કે,'મે ખીચડી, બા બહુ ઔર બેબી અને મિસેજ તેંડુલકર જેવાં શોમાં કામ કરેલું છે. તે બાદ મે પછી ' ગુમરાહ' નો પણ એક એપિસોડ કર્યો હતો.. પણ મારો પરિવાર આનાથી કમ્ફર્ટેબલ નહોતો.

રિચાએ જણાવ્યું કે, હું એક ગુજરાતી પરિવાર માંથી આવું છું અને તે ઘણું કૂલ છે. પરંતુ જ્યારે વાત રોમાંટિક સીન અથવા એક્સપોઝ કરતાં સીનની આવે ત્યારે મારો પરિવાર સહજ નથી. તેમને મને કહ્યું કે મારે આવા પાત્ર ન ભજવવા જોઈએ.’

ઉપરાંત ઋચાએ કહ્યું કે,' મે ક્યારે કોસ્ટિંગ કાઉચ ફેસ કર્યું નથી. પરંતુ લગ્ન બાદ જ્યારે હું કેટલીક જગ્યાએ ઓડિશન આપી રહી હતી ત્યારે મને ' કોમ્પ્રોમાઇઝ' કરવા માટે કહેવામાં આવ્યું. આ અનુભવે મને અંદરથી હચમચાવી દીધી.'

આ સિવાય રિચાએ જણાવ્યું કે,‘મને ઘણી વખત કહેવામાં આવ્યું કે જો મારે એક્ટિંગ કરવી છે તો વજન ઘટાડવું પડશે. પરંતુ હું માત્ર ઈન્ડસ્ટ્રીનો હિસ્સો બનવા માટે મારું વજન ઘટાડવા માંગતી નહોતી.’