'ચંદ્રમુખી ચૌટાલા' પતિ સાથે પહોંચી હરિદ્વાર, લગાવી ગંગામાં ડુબકી

એન્ટરટેઇનમેન્ટ ડેસ્ક: ટીવી શો FIRની ઇન્સ્પેક્ટર ચંદ્રમુખી ચૌટાલાનાં નામથી ઘર ઘરમાં ફેમસ થનારી કવિતા કૌશિક ટીવીનું જાણીતું નામ છે. હાલમાં તે બિગ બોસની 14મી સિઝનનમાં પણ નજર આવી હતી. આ વચ્ચે હવે તે તેનાં પતિ રોનિત બિશ્વાસની સાથે પવિત્ર ભૂમિ હરિદ્વાર પહોંચી છે. હાલમાં હરિદ્વારમાં કુંભ ચાલી રહ્યો છે. જેને કારણે કવિતા પણ અહીં આસ્થાની ડુબકી લગાવવા પહોંચી છે.

આ તસવીરો ખુદ કવિતાએ તેનાં ઇન્સ્ટાગ્રામ પેજ પર શેર કરી છે. કવિતાએ તેનાં સોશિયલ મીડિયા પેજ પર તેની ખુબ બધી તસવીરો શેર કરી છે.

આપને જણાવી દઇએ કે, ફોટામાં તે ગંગા ઘાટ પર બેઠેલી નજર આવે છે. અન્ય તસવીરમાં તે પોલીસ સ્ટાફ સાથે પોઝ આપતી નજર આવે છે.

આ તસવીરો શેર કરતાં કવિતાએ લખ્યું છે, સાવધાનીઓ અને પરીક્ષણની સાથે કુંભ કારણ કે જીવન પણ ચાલ્યું જાય છે. પોલીસ અને સેનાનાં એક પરિવારનો હિસ્સો બનવા માટે ધન્ય અનુભવું છું

આપને જણાવી દઇએ કે, કવિતા કૌશિકનાં પિતા આર્મીનાં રિટાયર્ડ ઓફિસર છે. અને તેનાં પરિવારનાં મોટાભાગનાં લોકો આર્મીથી જોડાયેલાં છે.

પર્સનલ લાઇફની વાત કરીએ તો કવિતાએ 27 જાન્યુઆરી 2017માં કેદારનાથનાં મંદિરમાં રોનિત બિસ્વાસ સાથે લગ્ન કર્યા હતાં આ લગ્નમાં ગણતરીનાં મહેમાન જ હાજર હતાં.

કવિતા ટીવી શો FIRથી ઘર ઘરમાં ફેમસ થઇ ગઇ હતી. આશરે આઠ વર્ષ સુધી તેણે ચંદ્રમુખી ચૌટાલાનો કિરદાર અદા કર્યો છે. આ શોમાં તેને ખુબજ પસંદ કરવામાં આવી હતી. ઘણી સીરિયલ્સમાં કામ કરી ચુકેલી કવિતાએ હિન્દી ફિલ્મોમાં પણ કામ કર્યું છે. તે 'એક હસીના થી', મુંબઇ કટિંગ (2009), ફિલ્મ સિટી (2011) અને જંજીર (2013) માં નજર ચુકી છે.

હાલમાં તે બિગ બોસ 14માં નજર આવી હતી. પણ તે પોતે કોઇ વાતે રુબીના દિલેકથી નારાજ થઇને શો છોડીને જતી રહી હતી.