10 વર્ષ પહેલાં 10 વર્ષ મોટા સૈફઅલી ખાન સાથે ભાગવા માંગતી હતી કરીના કપૂર, આ કારણે લીધો હતો નિર્ણય

મુંબઈઃ સૈફીનાના હેશટેગથી ફેમસ કરીના કપૂર ખાન અને સૈફ અલી ખાનની જોડીને જ્યારે પણ પૈપરાઝી જુએ છે તો તેને તરત જ કેમેરામાં કેદ કરી લે છે. આ બંને બોલિવૂડ સ્ટાર આજે પોતાના લગ્નની 10મી વર્ષગાંઠ ઉજવી રહ્યા છે. તેના લગ્ન 16 ઓક્ટોબર 2012માં થયાં હતાં. કરીનાએ સૈફ સાથે લગ્ન કરવા માટે ઘરેથી ભાગવાનો પણ પ્લાન બનાવી દીધો હતો. ચાલો જણાવીએ, કરીના-સૈફની 11મી લગ્ન વર્ષગાંઠ પર તેમના જીવનના સુંદર કિસ્સા અને ફોટોગ્રાફ બતાવીએ.

વર્ષ 2006-2007ની વાત છે ફિલ્મ 'ઓમકારા'ના અમુક સીન સૈફ અલી ખાન અને કરીના કપૂરની સાથે શૂટ કર્યા હતાં. આ ફિલ્મની શૂટિંગ બાદ તેમની વાતચીત શરૂ થઈ હતી. પરંતુ ફિલ્મ 'ટશન'ની શૂટિંગ સમયે પહોંચતા-પહોંચતા બંને એકબીજાને પસંદ કરવા લાગ્યા હતાં.

'ટશન'ની શૂટિંગ દરમિયાન તેમની નિકટતા વધી. બંને ઘણીવાર એકબીજા સાથે સમય વિતાવતા જોવા મળ્યા હતાં. તેમના અફેરની ખબરો પણ ઉડવા લાગી હતી. બંને તે સમયે આવી ખબરોથી ઈન્કાર કરી રહ્યા હતાં.

અંતે સૈફ અલી ખાને માની લીધું કે તે કરીનાને ડેટ કરી રહ્યો છે. જોકે સૈફએ જ્યારે લગ્નની ઓફર કરી હતી તો કરીનાએ તેને નકારી દીધી હતી. તે સૈફની સાથે લગ્ન કરતાં પહેલા તેની તમામ વાતો સમજવા માંગતી હતી.

સૈફ અલી ખાન સાથે જીવન વિતાવવાનો નિર્ણય લેતા પહેલા કરીનાએ થોડો સમય લીધો હતો. જ્યારે તેમના લગ્ન થયાં ત્યારે તે સૌથી વધારે ચર્ચાનો વિષય રહ્યા હતાં. કરીના તો એટલી કંટાળી ગઈ હતી કે, ઘરેથી ભાગવાનો નિર્ણય લઈ લીધો હતો.

વર્ષ 2013માં તેણે વોગ ઈન્ડિયાને આપેલા ઈન્ટરવ્યુમાં જણાવ્યું હતું કે, 'અમે અમારી પ્રાઇવેસીને લઈને ખૂબ જ પરેશાન થઈ ગયા હતાં. એટલું જ નહીં અમે અમારી ફેમિલીને ધમકી પણ આપી દીધી હતી કે, અમારા લગ્ન જો મીડિયા સર્કસ બન્યા તો અમે બંને ઘરેથી ભાગી જઈશું.'

કરીનાએ જણાવ્યું કે 'લોકો અમારા લગ્ન વિશે નાની-નાની ખબરો વિશે પણ જાણવા માંગતા હતાં. અમે આશરે 5 વર્ષના રિલેશનશિપ બાદ લગ્ન કર્યા હતાં. અમે કોર્ટ મેરિજ બાદ છત પર આવીને લોકોને Hello કહ્યુ હતું.' તેમના લગ્નના જશ્નની ખબર એકંદરે એક અઠવાડિયા સુધી ચાલી હતી.

કરીના અને સૈફએ મુંબઈમાં એક શાનદાર રિસેપ્શન પાર્ટી કરી હતી જેમાં કરીનાએ તે જ લગ્નના કપડાં પહેર્યા હતાં જે તેની સાસુ શર્મિલા ટૈગોરે તેના લગ્નમાં પહેર્યુ હતું. આ પાર્ટીમાં બોલિવૂડના ફક્ત દિગ્ગજ સેલિબ્રિટી જ નહીં પણ રાહુલ ગાંધી, જ્યોતિરાદિત્ય સિંધિયા સમેત ઘણાં રાજનેતા પણ પહોંચ્યા હતાં.

સૈફ અલી ખાનથી કરીના કપૂર ભલે જ 10 વર્ષ નાની છે, પરંતુ તેમની બોન્ડિંગ કમાલની છે. 10 વર્ષમાં બે સુંદર દિકરા તૈમુર અલી ખાન અને જેહના માતા-પિતા પણ બની ગયાં. સૈફ અને કરીના પોતાની ફેમિલી લાઈફને એન્જોય કરતા સમયે એક પ્રોફેશનલ ફ્રન્ટ પર પણ શાનદાર રીતે જામી ગયાં છે.

કરીના અને સૈફના સુખી લગ્નજીવનનું એક કારણ એ પણ છે કે બંને એકબીજાને સારો સ્પેસ આપે છે. એકવાર કરીનાએ મીડિયાને આપેલા એક ઈન્ટરવ્યુમાં જણાવ્યુ હતું કે, 'મેં સૈફને લાઈફ પાર્ટનર માટે એટલે પસંદ કર્યો કે હું એક સેલ્ફ ઇંડીપેંડેંટ મહિલાની જેમ રહેવા માંગુ છું. હું લગ્ન બાદ પણ કામ કરવા માંગતી હતી અને સૈફએ મારી આ શરતને માની લીધી.'