કપિલ શર્માને લાગ્યો ઝટકો, માત્ર 1 વીકમાં જ થયો OUT!

આ વીકે ટીઆરપીની રેસમાં ટીવી શોઝ વચ્ચે કાંટે કી ટક્કર જોવા મળી. પાછલા અઠવાડિયે કપિલ શર્માનો શો ટીઆરપીની રેસમાં ટોપ પર હતો. ત્યાં જ હવે તેનો શો 'ધ કપિલ શર્મા શો' ટોપ 5માંથી બહાર થઇ ગયો છે. ઘણા પ્રયાસો છતાં આ શો એક વીકથી વધારે સમય માટે નંબર 1 પર ટકી શક્યો નથી. જ્યારે હવે નંબર વન પર ટીવી શો 'કુમકુમ ભાગ્ય' છે. આ શો પર જબરદસ્ત ડ્રામા જોવા મળી રહ્યો છે. શોમાં પાર્ટીની તૈયારીઓ ચાલી રહી છે. ચાલો જાણીએ આ વીકમાં ટોપ 5માં કયા-કયા શોઝ છે.

આ વીકમાં નંબર 2 પર ટીવી શો 'કુંડલી ભાગ્ય' રહ્યો. આ શો પર એક પછી એક ટ્વિસ્ટ એન્ડ ટર્ન બતાવવામાં આવ્યા છે. જ્યાં સરલાને ગુંડાઓનો સામનો કરતી બતાવવામાં આવી, જ્યારે પ્રીતા માટે વધી રહેલી પૃથ્વીની પસંદ બતાવવામાં આવી રહી છે.

આ વીકે ત્રીજા નંબર પર 'યે રિશ્તા ક્યા કહલાતા હૈ' છે. આજકાલ શોમાં નાયરાને કરિયરમાં આગળ વધતી બતાવાઇ રહી છે. તેને હાલમાં જ મિહિર કપૂરે ડિઝાઇનરની જોબ ઓફર કરી છે. નાયરાની આ સફળતા પર કાર્તિક તો ખુશ છે, પરંતુ દાદીને આ પસંદ પડ્યું નથી.

આ વીકે ચોથા નંબર પર 'કુલ્ફી કુમાર બાજેવાલા' છે. આ શો પર કુલ્ફી અને અમાયરાનું બોન્ડિંગ બતાવવામાં આવી રહ્યું છે. જ્યાં અમાયરા, કુલ્ફીને નફરત કરે છે. જ્યારે કુલ્ફી દરેક રીતે અમાયરાની મદદ કરે છે.

આ વીકે નંબર 5 પર ટીવી શો 'નાગિન 3' રહ્યો. આ શો બંધ થવાની અફવાઓ ઉડી રહી છે, છતાં આ શો દર્શકોને બેલા-માહિરના રોમાન્સને લીધે જબરદસ્ત પસંદ પડી રહ્યો છે.