કપિલ શર્માએ ફેન્સની ભારે ડિમાન્ડ કરી પૂર્ણ, બંને બાળકો અનાયરા અને ત્રિશાનની તસવીર કરી શેર

એન્ટરટેઇનમેન્ટ ડેસ્ક: કોમેડિયન કપિલ શર્માએ 20 જૂન, રવિવારના રોજ ફાધર્સ ડે પર ચાહકોની ખાસ ઇચ્છા પૂર્ણ કરી હતી. કપિલે પોતાના દીકરા ત્રિશાનની પહેલી તસવીર સોશિયલ મીડિયા પર શેર કરી છે. આ તસવીરમાં કપિલ શર્માના ખોળામાં ત્રિશાન તથા અનાયરા જોવા મળે છે. ત્રણેય કેક કટિંગ કરી હતી. આ સમયે કપિલ અને બંને બાળકોએ વ્હાઈટ કલરની ટી શર્ટ પહેરી હતી. ટીશર્ટમાં હતા.

ફોટો શેર કરીને કપિલ શર્માએ કેપ્શનમાં લખ્યું હતું, 'પબ્લિકની ભારે ડિમાન્ડ પર અનાયરા તથા ત્રિશાન પહેલી જ વાર એક સાથે. હેપ્પી ફાધર્સ ડે.' કપિલની પત્ની ગિનીએ 1 ફેબ્રુઆરીએ દીકરાને જન્મ આપ્યો હતો.

કપિલ શર્માના દીકરાની તસવીર સોશિયલ મીડિયામાં વાઇરલ થઈ છે. ઉલ્લેખનીય છે કે કપિલ તથા ગિનીએ ડિસેમ્બર, 2018માં લગ્ન કર્યાં હતાં. 2019માં ગિનીએ દીકરીને જન્મ આપ્યો હતો.

એપ્રિલ મહિનામાં કપિલનાં બર્થ ડે પર નીતિ મોહને કપિલને જન્મ દિવસની વધામણી આપી હતી અને સાથે જ દીકરાનું નામ પુછ્યું હતું. નિતિએ ટ્વિટ કરી હતી કે, 'હેપી બર્થડે ડિયરેસ્ટ કપિલ પાજી. તમને તથા તમારા પરિવારને પ્રેમ. હવે તો બેબીનું નામ કહી દો.' આ પોસ્ટ પર કપિલ શર્માએ કહ્યું હતું, 'આભાર નીતિ. આશા છે કે તમે તમારું સારી રીતે ધ્યાન રાખતા હશો. અમે તેનું નામ ત્રિશાન રાખ્યું છે.'

ઉલ્લેખનીય છે કે ત્રિશાનનો અર્થ વિજય એવો થાય છે.