OMG! KBCમાં કપિલે જ્યારે Big Bને કહ્યું, 'જબ બાપ કા યે હાલ હૈ તો..'

કૌન બનેગા કરોડપતિ 10નો છેલ્લો એપિસોડ આ અઠવાડિયે કર્મવિર એપિસોડ આવશે જેમાં કોમેડિયન કપિલ આવશે. જ્યાં તે 'ધ અર્થ સેવિયર્સ ફાઉન્ડેશન'નાં ફાઉન્ડર રવિ કાલરાની સાથે જોડીદારનાં રૂપમાં આવશે. હાલમાં જ સોની ટીવીએ ઓફિશિયલ ટ્વિટર હેન્ડલ પર આ એપિસોડનો પ્રોમો વીડિયો શેર કર્યો છે. જે સોશિયલ મીડિયા પર વાઇરલ થયો છે

વીડિયોમાં કપિલ શર્મા, શોમાં આવતાની સાથે જ માહોલને તેનાં જોક્સથી ખુશનુમા બનાવી દે છે. કપિલ ડિસેમ્બર મહિનામાં તેની ગર્લફ્રેન્ડ ગિન્ની ચતરથ સાથે લગ્ન કરવા જઇ રહ્યો છે. એવામાં જ્યારે તે Big Bએ શો KBCમાં પહોચ્યો તો, અમિતાભ બચ્ચન, કપિલ શર્માને કહે છે કે, સાંભળ્યુ છે કે, તારા લગ્ન થવા જઇ રહ્યાં છે.

જે વિશે કપિલ કહે છે કે, આપની થોડી સલાહ જોઇતી હતી. ''પત્નીને ખુશ રાખવાનો કોઇ ગુરૂ મંત્ર જણાવો.'' આ સવાલ સાંભળીને બિગ બી જોષમાં આવીને કહે છે કે, પત્ની કંઇપણ બોલે, તેનાં બોલતા પહેલાં જ સોરી બોલી દો. આપનું તમામ દુખ દર્દ દૂર થઇ જશે. તે બાદ કપિલ તેનાં અંદાજમાં બિગ બીને કહે છે કે, 'જેમ મર્દ ને દર્દ નથી થતો, શહંશાહ, રિશ્તે મે તો હમ તુમ્હારે બાપ લગતે હૈ.. પણ જ્યારે બાપનાં જ આ હાલ હોય તો બાળકોનું તો આવું જ રહેવાનું ને..'

આ સાંભળીને અમિતાભ બચ્ચન અને ત્યાં હાજર ઓડિયન્સ સૌ કોઇ હસવા લાગ્યા હતાં. કપિલ શર્મા અને અમિતાભ બચ્ચનની સાથે આ એપિસોડ ગ્રાન્ડ ફિનાલે પર આવવાનું છે. KBCની આ સીઝન પૂર્ણ થઇ ગઇ છે.

આવનારા શુક્રવારથી કપિલનો કોમેડી શો હવે KBCની ટાઇમ લાઇનમાં આવશે.