કંગનાની માતાનો શિવસેના પર હુમલો, કહ્યું 'તેમનાં ઘરે દીકરીઓ નથી શું..!'

એન્ટરટેઇનમેન્ટ ડેસ્ક: કંગના રનૌટ અને શિવસેના વચ્ચેની લડાઇથી સૌ કોઇ વાકેફ છે. આ મામલે હવે કંગનાની માતા આશા રનૌટ દીકરીનાં સપોર્ટમાં આવી ગઇ છે. અને તેમણે તેમની વાત જણાવતા કહ્યું કે, શિવસેનાએ મારી દીકરીની સાથે અન્યાય કર્યો છે. આખા ભારત વર્ષની જનતા તેને જરાં પણ બરદાસ્ત નહીં કરે.

આશા રનૌટનું કહેવું છે કે, જો કંગના ખોટી હોતી તો દેશની જનતા તેની સાથે ન હોતી. કેવી સરકાર છે મારી દીકરી તેમની પ્રજાનો એક અંગ છે. તેની સાથે આટલો અન્યાય થયો છે. આ કેવી સરકાર છે. તેને સરાકર કહેવાય. આ બાળા ઠાકરેની શિવસેના છે જ નઇ, જેનાં વિશે હું નાનપણથી સાંભળતી આવતી હતી. આ શિવસેના ડરપોક છે, કાયર છે. મારી દીકરીએ 15 વર્ષ મહેનત કરીને એક એક પૈસા જોડીને ઓફિસ બનાવી હતી.

મારી દીકરીએ સત્યનો સાથ આપ્યો છે તેથી જ આખો ભારતવર્ષ મારી દીકરીની સાથે છે. હું અમિત શાહ અને હિમાચલ સરકારનો ધન્યવાદ કરુ છું. જેમણે મારી દીકરીની સુરક્ષા કરી. આ લોકો તો ખબર નહીં શું કરી દેતાં. તેમનો કોઇ વિશ્વાસ ન કરાય.

તેમની જેમ અમે થોડા ખાનદાની છીએ.. અમે તો એક મધ્યમ પરિવારનાં છીએ. સૌ કોઇ જાણે છે મારી દીકરીએ કેવી રીતે મહેનત કરીને પૈસો ભેગો કર્યો હતો. તેમની પાસે તો તેમનાં માતા-પિતાની પ્રોપ્રટી છે. જેની ઉપર તેઓ આટલો ઘમંડ કરી રહ્યાં છે અને અત્યાચાર કરી રહ્યાં છે.'

કેમ ભાજપ મારી દીકરીને સુરક્ષા ન આપતું. કેમ વિપક્ષ પાર્ટીઓ બોલે છે તેમને શું તક્લીફ છે. શું તેમનાં ઘરમાં દીકરીઓ નથી. કેમ તેઓ મારી દીકરી માટે આટલી બકવાસ વાતો કરે છે. જો કોઇ સત્યનો સાથ આપે છે તો તેનો સાથ આપવો જોઇએ.