'હું દિવાળીની મીઠાઇમાં મારા પીરિયડ્સનું બ્લડ મિક્સ કરુ છું', કંગના રનૌતના શૉકિંગ ખુલાસાથી ખળભળાટ

Kangana Ranaut : કંગના રનૌતે દાવો કર્યો છે કે બોલીવુડમાં તેની સફળતાને લોકો પચાવી ન શક્યા. તેણે પોતાની લેટેસ્ટ સોશિયલ મીડિયા પોસ્ટમાં દાવો પણ કર્યો કે એકવાર એક એડિટકે તેને ચુડૈલ અને તેને ફિલ્મોમાં સફળતા માટે કાળો જાદુ કરનારી પણ કહી હતી.

આટલું જ નહીં, એક્ટ્રેસનું માનીએ તો તેના પર એડિટરે એવો આરોપ પણ લગાવ્યો હતો કે તે ગિફ્ટ તરીકે મોકલવામાં આવતા લાડુઓમાં પોતાના પીરિયડ્સનું બ્લડ મિક્સ કરે છે.

કંગનાએ આ વીડિયો ઇન્સ્ટા સ્ટોરી પર શેર કરતા લખ્યું, જો તમારી પાસે સુપર પાવર હોય તો તમને ચુડૈલ કહેવામાં આવશે. મને ચુડૈલ કહેવામાં આવી, પરંતુ મે તેમને મારી જાતને સળગાવવા ન દીધી. પરંતુ મારે અસલી ચુડૈલ હોવું જોઇતુ હતું. આબરા કા ડાબરા.

કંગનાએ આગળ લખ્યું, 2016માં એક લીડિંગ પ્રિંટ એડિટરે પોતાના પેપરમાં લખ્યું કે ઇન્વેસ્ટીગેટિવ જર્નલિસ્ટે પોતાના કૌશલ્યથી મારા કાળા જાદુની કળા વિરુદ્ધ પુરાવા એકઠા કરી લીધાં છે. તેમને તે વાતની પણ ખાતરી હતી કે હું દિવાળી પર સૌને ગિફ્ટ તરીકે આપવામાં આવતા લાડુ (મિઠાઇ)માં મારા પીરિયડ્સનું બ્લડ મિક્સ કરું છું.

હાહાહા...તે દિવસો મજેદાર હતાં. કોઇપણ એ વાત પર ભરોસો કરી ન શક્યું કે ફિલ્મી બેકગ્રાઉન્ડ વિના, એજ્યુકેશન, ગાઇડન્સ, એજન્સી, ગ્રુપ કે મિત્રો/બોયફ્રેન્ડ્સની મદદ વિના હું ટૉપ પર હતી. તેથી બધા પાસે સામૂહિક રૂપે એક જ જવાબ હતો કે આ કાળો જાદુ છે.

અધ્યયન સુમને પણ લગાવ્યો હતો આવો આરોપ : આમ તો કંગના રનૌત પર કાળો જાદુ કરવાનો આરોપ તેના એક્સ બોયફ્રેન્ડ અધ્યયન સુમને પણ લગાવ્યો હતો. સુમને આરોપ લગાવ્યો હતો કે કંગના તેને પોતાના પીરિયડ્સનું બ્લડ પીવડાવતી હતી.

આ આરોપો પર કંગનાએ એક ઇન્ટરવ્યુમાં કહ્યું હતું, જ્યારે લોકો મારુ નામ લે છે અને મારા પીરિયડ્સ બ્લડ વિશે વાત કરે છે તો મને દુખ નથી થતું. પરંતુ તેને ગ્રોસ ન કરો. કારણ કે પીરિયડ્સ બ્લડમાં ગ્રોસ કંઇ નથી. જ્યારે આપણે પીરિયડ્સ વિશે વિચારીએ છીએ તો તે રીપ્રોડ્યુસ કરવાની મારી ક્ષમતા છે, જન્મ આપવાની મારી ક્ષમતા છે.

વર્ક ફ્રન્ટની વાત કરીએ તો કંગના રનૌત છેલ્લે ફિલ્મ 'ધાકડ'માં જોવા મળી હતી. તેની અપકમિંગ ફિલ્મોમાં તેજસ, ટીકૂ વેડ્સ શેરૂ અને ઇમરજન્સી સામેલ છે.