શંખનાદ થઇ ગયો છે, બુરી નજર વાળાની આંખો જ કાઢી લેવાશે- કંગના રનૌટ

પુલવામા હુમલાનાં બે અઠવાડિયામાં ભારતીય સેનાએ જવાબી કાર્યવાહી કરતા પાકિસ્તાનનાં બાલાકોટ સ્થિત આતંકવાદીઓનાં ખેમામાં હવાઇ હુમલા દ્વારા ધ્વસ્ત કરી દીધા છે. મળતી માહિતી અનુસાર હુમલામાં ભારતે 200-300 આતંકીઓને ઠાર માર્યા છે. જ્યાં આખો દેશ જવાબી હુમલાથી ખુશ છે ત્યાં બોલિવૂડ સ્ટાર્સ પણ આ ખુશી મનાવી સોશિયલ મીડિયા પર દેશનાં જવાનોને ધન્યવાદ આપી રહ્યાં છે અને ગર્વ અનુભવી રહ્યાં છે.

બોલિવૂડ ક્વિન કંગના રનૌટે પણ ખુશી વ્યક્ત કરતાં કહ્યું છે કે, હું ઇન્ડિયન એરફોર્સને એક અસલી હીરોની જેમ જવાબી હુમલા માટે સેલ્યૂટ કરુ છું. તો કંગનાએ આ નિર્ણય લેવા માટે PM નરેન્દ્ર મોદીનો પણ આભાર માન્યો છે.

પાકિસ્તાન વિરુદ્ધની કાર્યવાહી હેઠળ કંગનાએ કહ્યું કે, હુમલામાં આતંકવાદ અને આતંકી ગતીવિધિ વિરુદ્ધ શંખનાદ થઇ ગયો છે. અને જે પણ આ વાત નથી સમજ્યુ તે સમજી લે કે હવે જે પણ અમારા દેશ પર બુરી નજરથી જોશે તેની આંખો કાઢી લેવાશે. જય હિંદ

બોલિવૂડની ક્વિનની હાલમાં 'મણિકર્ણિકા' રિલીઝ થઇ હતી