ઓ બાપ રે! કંગના રનૌત પર આ એક્ટરે લગાવ્યો કાળા જાદુનો આરોપ, કહ્યું- રૂમમાં લઇ જઇને....

નવી દિલ્હી: 13 જાન્યુઆરી 1988ના રોજ મુંબઇમાં જન્મેલા અધ્યય સુમન બાળપણથી જ ફિલ્મી ગલીઓથી વાકેફ હતો. તેણે પોતાના પિતાના ડગલે ચાલતાં વર્ષ 2008માં 'હાલ-એ-દિલ' ફિલ્મથી બોલિવૂડમાં ડેબ્યૂ કર્યુ હતું. જો કે તેની પહેલી જ ફિલ્મ ફ્લોપ થઇ હતી. તે બાદ પણ તેણે ઘણી ફિલ્મો કરી પરંતુ તેને તેવી સફળતા ન મળી જેવી તેના પિતાએ હાંસેલ કરી હતી. ભલે અધ્યયન ફિલ્મોમાં કંઇ ખાસ કમાલ ન દેખાડી શક્યો હોય પરંતુ બોલિવૂડ એક્ટ્રેસને ડેટ કર્યા બાદ તે સતત ચર્ચામાં રહ્યો.

કંગના અને અધ્ય્યનની લવ સ્ટોરી 'રાજ-ધ મિસ્ટ્રી કંટિન્યૂ' ફિલ્મની શૂટિંગ દરમિયાન શરૂ થઇ હતી. આ ફિલ્મ વર્ષ 2009માં આવી હતી. આ ફિલ્મમાં કંગના રનૌત, ઇમરાન હાશ્મી, અધ્યયન સુમન અને જેકી શ્રોફે શાનદાર એક્ટિંગ કરી હતી. ફિલ્મ કરતાં વધુ તેના સોન્ગ પસંદ કરવામાં આવ્યાં હતાં.

જણાવી દઇએ કે ફિલ્મના શુટિંગ દરમિયાન જ કંગના રનૌત-અધ્યયન સુમનની સીક્રેટ લવ સ્ટોરી સામે આવી હતી. બંનેની લવ સ્ટોરીની ચર્ચા ચારે તરફ થઇ રહી હતી. શુટિંગ વખતે એક સાથે કામ કરતાં કરતાં તેમની વચ્ચેનું અંતર ઘટતું ગયું.

જો કે અફસોસ કે ફિલ્મની રિલીઝ સાથે તેમનું બ્રેકઅપ થઇ ગયું. એક વર્ષ સુધી ડેટ કર્યા બાદ કંગનાએ અધ્યયન સાથે બ્રેકઅપ કરી લીધું. બંનેએ વર્ષ 2010માં રિલેશનશિપનો અંત લાવી દીધો.

અધ્યયને કંગના પર લગાવ્યા ચોંકાવનારા આરોપ: બ્રેકઅપ બાદ અધ્યયે કંગના પર અનેક ચોંકાવનારા આરોપો લગાવ્યા. એક ઇન્ટરવ્યુ દરમિયાન અધ્યયને કહ્યું હતું કે કંગના તેની સાથે મારપીટ અને દુર્વ્યવહાર કરતી હતી. તે સમયે અધ્ય્યન ફક્ત 20 વર્ષનો હતો.

તેણે કહ્યું હતું કે ઘણીવાર કંગના તેને વિચિત્ર લાગતી હતી. એક ફિલ્મ ફેર નાઇટ પહેલા તેણે મારુ મુંડન કરી નાંખ્યુ અને કહ્યું, તને નવી સ્ટાઇલની જરૂર હતી. તે દિવસે અવોર્ડ લીધા બાદ તેણે બધાનો આભાર માન્યો પરંતુ મારુ નામ સુદ્ધાં ન લીધું.

વધુ એક ઘટનાને યાદ કરતાં અધ્યયને કહ્યું હતું કે, એકવાર કંગના તેને એક જ્યોતિષી પાસે લઇ ગઇ અને રૂમ બંધ કરીને મંત્ર વાંચવા કહ્યું. તે કંગના પર પૂરો વિશ્વાસ કરતો હતો તેથી કંગનાએ જે કહ્યું તેણે તે બધું જ કર્યુ. તેણે કહ્યું કે, કંગનાએ કાળો જાદુ કર્યો હતો. તેની જાણકારી તેને એક ટેરો કાર્ડ રીડરે આપી અને કહ્યું કે કોઇ પહાડી મહિલાએ કાળો જાદુ કર્યો છે.

એક્ટરના નિવેદન અનુસાર, તે દિવસોમાં તે દારૂના નશામાં ધૂત રહેવા લાગ્યો હતો. તેને લાગતું હતું કે તે દારૂ પીને દમ તોડી નાંખશે. જો કે પછીથી સ્થિતીમાં સુધાર આવ્યો જ્યારે શેખર સુમને તેને બ્રેકઅપ કરી લેવાની સલાહ આપી.

ઋતિક રોશનના કારણે થયું બ્રેકઅપ: કહેવામાં આવે છે કે કંગના અને અધ્યયનું બ્રેકઅપ એક્ટર ઋતિક રોશનના કારણે થયું હતું. 'રાઝ- ધ મિસ્ટ્રી કંટિન્યૂ' બાદ કંગનાની ફિલ્મ કાઇટ્સ આવી હતી. આ ફિલ્મમાં ઋતિક અને કંગના સાથે જોવા મળ્યાં હતાં. તેવામાં કંગના અધ્યયન સુમનને છોડીને પરણેલા ઋતિક રોશનને ડેટ કરવા લાગી હતી. જો કે જલ્દી જ આ રિલેશનશિપનો અંત આવી ગયો હતો.