જાવેદ અખ્તરે કંગના રનૌટ વિરુદ્ધ કર્યો કોર્ટે કેસ, 1 મહિના બાદ સુનાવણી થશે, જાણો શું છે મામલો

બૉલિવૂડના જાણીતા ગીતકાર જાવેદ અખ્તરે (Javed Akhtar) કંગના રનૌટ (Kangana Rannaut) વિરુદ્ધ માલનહાનિ (Defamation)નો કેસ દાખલ કરાવ્યો છે. કંગનાએ સોશિયલ મીડિયા અને ન્યૂઝ ચેનલમાં વાતચીત દરમિયાન જાવેદ અખ્તર પર કેટલાક ચોંકાવનારા આરોપો લગાવ્યા હતા. જોકે, જાવેદ અખ્તરે આ મામલે હવે કેસ નોંધાવ્યો છે. પ્રાપ્ત અહેવાલો મુજબ જાવેદ અખ્તરના કેસ પર એક મહિના બાદ સુનાવણી થશે.

ઉલ્લેખનીય છે કે કંગના રનૌટના ભૂતકાળમાં ઋત્વિક રોશન સાથે વિવાદિત સંબંધો રહ્યા છે. આ સંબંધો અંગે કંગનાએ એક ઇન્ટરવ્યૂંમાં એવું નિવેદન આપ્યું હતું કે જાવેદ અખ્તરે મને જણાવ્યું હતું કે ઋત્વિક અને રોશન પરિવાર મોટા માણસો છે. જો તું એની પાસે માફી નહીં માંગે તો તું ક્યાંયની નહી રહે

કંગનાએ ઉમેર્યુ હતું કે આ મામલે જાવેદ અખ્તરે તેમને ત્યાં સુધી કહ્યું હતું કે 'આ મામલે સમાધાન નહીં કરે તો તને નુકશાન થશે. તને જેલમાં પણ મોકલી આપશે. તને આત્મહત્યાના વિચારો આવશે. કંગનાએ કહ્યું કે જ્યારે મેં તેમની વાત ન માની ત્યારે તેઓ મારા પર ગુસ્સે થયા હતા અને રાડો પણ પાડી હતી.

શક્ય છે કે કદાય કંગનાના આ ઇન્ટરવ્યૂ અંગે જાવેદ અખ્તરે માનહાનિનો દાવો કર્યો હશે. જોકે, જાવેદ અખ્તરે ક્યાં મામલે માનહાનિનો દાવો કર્યો છે તેના વિશે તેમણે પણ કોઈ નિવેદન આપ્યું નથી.