યૌન શોષણનાં આરોપથી ઘેરાયેલા સાજિદ ખાનનો આજે છે જન્મ દિવસ

જાણીતો ફિલ્મ નિર્માતા સાજિદ ખાન માટે આમ તો આજે ખુશીનો દિવસ હોતો પણ હાલમાં જ લાગેલા યૌન શોષણનાં આરોપ બાદ તેનાં માટે તેનો 48મો જન્મ દિવસ એટલો ખુશનુમા નથી રહ્યો. સાજિદે અત્યાર સુધીમાં ઘણી હિટ ફિલ્મ બનાવી છે. જેમાં ડરના જરૂરી હૈ, હૈ બેબી, હાઉસફુલ, હાઉસફુલ-2, હિમ્મતવાલા, હેપી ન્યૂયર જેવી ફિલ્મો પણ શામેલ છે. ગત દિવસોમાં સાજિદ ખાન મીટૂ કેમ્પેઇનને કારણે ચર્ચામાં હતો. સાજિદ પર ઘણી મહિલાઓનાં યૌન ઉત્પીડનનાં ગંભીર આરોપો છએ.આ આરોપોને કારણે સાજિદને ફિલ્મ 'હાઉસફૂલ-4'માંથી બહાર કરવામાં આવ્યો હતો.

સાજિદે બોલિવૂડમાં ફિલ્મ 'ડરના જરૂરી હૈ'ની એક શોર્ટ ફિલ્મની સાથે ડિરેક્ટર તરીકે ફિલ્મી કરિયરની શરૂઆત કરી હતી. ફિલ્મ નિર્દેશક ઉપરાંત સાજિદે ઘણી ફિલ્મોમાં કેમિયો પણ કર્યો છે. જેમાં હેપી ન્યૂયર, મે હૂ ના, મુજસે શાદી કરોગી જેવી ફિલ્મો પણ શામેલ છે.

પ્રખ્યાત કોરિયોગ્રાફર અને ફિલ્મ નિર્દેશક ફરાહ ખાનનાં ભાઇ સાજિદ ખાને ઘણાં ટીવી શો પણ હોસ્ટ કર્યા છે. જ્યારથી સાજિદ મીટૂનાં આરોપમાં ઘેરાયલો છે ત્યારથી તેની બહેન ફરહા ખાને પણ તેનો સાથ છોડી દીધો છે.

એક સમયે સાજીદ ખાનનું એક્ટ્રેસ જેક્લિન ફર્નાન્ડિઝ સાથે અફેર હતું. જેક્લિન મિસ યૂનિવર્સ- શ્રીલંકા રહી ચૂકી છે. જોકે થોડા સમય બાદ તેમનું બ્રેકઅપ થઇ ગયુ હતું. સાજિદે જ તેને મોટો બ્રેક આપ્યો હતો. જેક્લિન ફિલ્મ 'હાઉસફુલ-1' અને 'હાઉસફુલ-2'નો ભાગ સાજિદનાં કારણે જ હતી.

જેક્લિન સાજિદનાં પઝેસિવ નેચરથી કંટાળી ગઇ હતી. તે બાદ તેણે વર્ષ 2013માં સાજિદ સાથે બ્રેકઅપ કરી લીધું. તે બાદ સાજિદનું નામ અન્ય ઘણી એક્ટ્રેસ સાથે જોડાયુ હતું.