TV Starsની રસપ્રદ સ્ટોરી - એવા કલાકાર જેમણે પર્દા પર નિભાવ્યો ભાઈ-બહેનનો રોલ, અસલ જિંદગીમાં જીવનસાથી

એક મહાન કલાકાર (TV Stars) દરેક પાત્રને સારી રીતે ભજવે છે. આ પાત્ર ભાઈ-બહેન (Brother Sister)નું હોય, પતિ-પત્નીનું હોય કે પછી ગર્લફ્રેન્ડ-બોયફ્રેન્ડ (Girlfriend Boyfriend)નું હોય. ઘણા લોકપ્રિય ટીવી શો (TV Show)માં એવા પાત્રો છે, જે ભાઈ-બહેન તરીકે દેખાય છે, પરંતુ અસલ જીવનમાં પતિ-પત્ની (Real Life Partner) છે. દર્શકો આ જોડીને ખૂબ પસંદ કરે છે. આજે અમે તમને ટીવી જગતના કેટલાક એવા કપલ વિશે જણાવવા જઈ રહ્યા છીએ, જે સ્ક્રીન પર ભાઈ અને બહેનના રૂપમાં દેખાયા છે પરંતુ વાસ્તવિક જીવનમાં તેઓ પતિ-પત્ની છે.

રોહન મેહરા અને કાંચી સિંહ (rohan mehra kanchi singh) - સૌથી લોકપ્રિય શો 'યે રિશ્તા ક્યા કહેલાતા હૈ'માં જોવા મળેલા રોહન મેહરા અને કાંચી સિંહ દર્શકોની ફેવરિટ જોડી છે. આ સિરિયલમાં કાંચી સિંહ અને રોહન મહેરા ભાઈ-બહેનની ભૂમિકામાં છે. કહેવાય છે કે સિરિયલમાં કામ કરતી વખતે કાંચી અને રોહનનો પ્રેમ ખીલ્યો હતો. જે બાદ 2016માં બંનેએ તેમના સંબંધો જાહેર કર્યા હતા.

મયંક અરોરા અને રિયા શર્મા - મયંક અરોરા અને રિયા શર્મા ટીવી સીરિયલ 'તુ સૂરજ મેં સાંઝ પિયા જી'માં ભાઈ અને બહેનના રોલમાં જોવા મળ્યા છે. પરંતુ કહેવાય રહ્યું છે કે મયંક અરોરા અને રિયા શર્મા જલ્દી જ લગ્ન કરવા જઈ રહ્યા છે. રિપોર્ટ અનુસાર, આ સીરિયલના શૂટિંગ દરમિયાન મયંક અને રિયા એકબીજાના પ્રેમમાં પડ્યા હતા.

ચારુ આસોપા અને નીરજ માલવીય - આ બંને કલાકારો ટીવી શો 'મેરે આંગને મેં'માં ભાઈ-બહેન તરીકે જોવા મળ્યા હતા. પરંતુ રિયલ લાઈફમાં ચારુ અસોપા અને નીરજ માલવિયાએ એકબીજાને લાંબા સમય સુધી ડેટ કર્યા હતા. બંનેએ સગાઈ પણ કરી લીધી હતી, પરંતુ કોઈ કારણસર તેમના સંબંધોમાં તિરાડ પડી ગઈ હતી. જે બાદ ચારુએ જાણીતી અભિનેત્રી સુષ્મિતા સેનના ભાઈ રાજીવ સેન સાથે લગ્ન કર્યા અને ચારુ હવે એક પુત્રીની માતા પણ બની ગઈ છે.

કિરણ કરમાકર અને રીન્કુ ધવન - ટીવીના સૌથી લોકપ્રિય શો 'કહાની ઘર ઘર કી'માં જોવા મળેલા કિરણ કરમારકર અને રિંકુ ધવન પણ ભાઈ-બહેનના રોલમાં જોવા મળ્યા હતું. પરંતુ આ કપલ રિયલ લાઈફમાં પણ પતિ-પત્ની છે.

શિવિન નારંગ અને દીગાંગના સૂર્યવંશી - ટીવી સિરિયલ 'વીર કી અરદાસ-વીરા' દ્વારા ઘર-ઘર ફેમસ થયેલી આ ભાઈ-બહેનની જોડીને બધા જાણે છે. દિગંગના સૂર્યવંશીને વીરાના પાત્રથી ઘણી લોકપ્રિયતા મળી હતી, જ્યારે શિવિન નારંગને પણ આ શો દ્વારા ખૂબ પસંદ કરવામાં આવ્યા હતા. પરંતુ આ જોડી ખરેખર લાંબા સમયથી એકબીજાને ડેટ કરી હતી. જોકે, બાદમાં તેમનું બ્રેકઅપ થઈ ગયું હતું.

અમન વર્મા અને વંદના લાલવાની - લોકપ્રિય ટીવી સીરિયલ 'શપથ'માં અમન વર્મા અને વંદના લાલવાની ભાઈ-બહેનના રોલમાં જોવા મળ્યા હતા. પરંતુ વાસ્તવિક જીવનમાં આ બંને કલાકારોએ વર્ષ 2016માં એકબીજા સાથે લગ્ન કર્યા. કહેવાય છે કે સીરિયલમાં કામ કરતી વખતે આ જોડીએ એકબીજાને દિલ આપી દીધું હતું, જે બાદ બંનેએ લગ્ન કરવાનો નિર્ણય લીધો હતો.

અવિનાશ સચદેવ અને શલમાલી દેસાઈ - ટીવી સીરિયલ 'છોટી બહુ'માં દેવની ભૂમિકામાં જોવા મળેલા એક્ટર અવિનાશ સચદેવે ટીવી સીરિયલ 'ઈસ પ્યાર કો ક્યા નામ દૂ-2'માં પણ કામ કર્યું છે. આ સીરિયલમાં બંનેએ દિયર-ભાભીની ભૂમિકા ભજવી હતી. આ સીરિયલમાં કામ કર્યા બાદ બંનેએ લગ્ન કરી લીધા હતા.

યશ ટોંક અને ગૌરી યાદવ - 'કહીં કિસી રોઝ' સિરિયલમાં યશ ટોંક અને ગૌરી યાદવે દિયર-ભાભીની ભૂમિકા ભજવી હતી. પરંતુ શોમાં કામ કરતી વખતે તેમનો પ્રેમ ખીલ્યો ત્યાર બાદ તેઓએ લગ્ન કરી લીધા હતા. તમને જણાવી દઈએ કે યશ ટોંક અને ગૌરી યાદવ બે બાળકોના માતા-પિતા છે.

મઝહર સઈદ અને મૌલી ગાંગુલી - મઝહર સઈદ અને મૌલી ગાંગુલી પણ સિરિયલ 'કહીં કિસી રોઝ' દરમિયાન મળ્યા હતા અને આ બંને કલાકારોએ સિરિયલમાં ભાઈ-બહેનની ભૂમિકા ભજવી હતી. જે બાદ બંનેએ લગ્ન કરી લીધા હતા.

અભિષેક વર્મા અને અદિતિ ભાટિયા - ટીવી સીરિયલ 'યે હૈ મોહબ્બતેં' દ્વારા અભિષેક વર્મા અને અદિતિ ભાટિયાને ઘણી ઓળખ મળી હતી. આ સીરિયલમાં અભિષેક વર્માએ 'આદિત્ય'નું પાત્ર ભજવ્યું હતું, જ્યારે અદિતિએ 'રૂહી'નું પાત્ર ભજવ્યું હતું. સીરિયલમાં આ જોડી ભાઈ-બહેનના રોલમાં જોવા મળી હતી, પરંતુ રિયલ લાઈફમાં તેઓ એકબીજાને ડેટ કરી રહ્યાં છે.