રિતિકની બહેને બીમારી પર કરી વાત, કહ્યું, પરિવારે નથી પૂછ્યા હાલચાલ

સોમવારે સવારે જ્યારે લોકોની આંખ ખુલી તો પહેલાં સમાચાર હતાં કે રિતિક રોશનની બહેન સુનૈનાની તબિયત ગંભીર છે. અને ડોક્ટર્સે તેને અંડર ઓબ્ઝર્વેશન રાખી છે. આ અંગે રોશન પરિવાર તરફથી કોઇ જ પુષ્ટિ કરવામાં ન આવી. ત્યારે સ્પોટ બોય વેબસાઇટે ખુદ સુનૈના સાથે વાત કરીને લખ્યુ છે કે, આ સમાચાર તદ્દન ખોટા છે. તે સંપૂર્ણ સ્વસ્થ છે. અને આવી કોઇ ખબરમાં વિશ્વાસ કરવાની જરૂર નથી.

રિતિક રોશનની બહેન સુનૈનાએ બે ખાનગી વેબસાઇટને ઇન્ટરવ્યુ આપ્યા છે. આ ઇન્ટરવ્યુમાં તેણે કહ્યું છે કે તે, સંપૂર્ણ સ્વસ્થ છે. ન તે બીમાર છે અને ન તો તેને ‘Bipolar Disorder’નામની બીમારી છે.

એક મીડિયા ચેનલ પર ચાલી રહેલી ખબર પ્રમાણે, સુનૈના બીમાર હતી અને Bipolar Disorder પીડાતી હતી. પણ 47 વર્ષિય સુનૈનાનું કહેવું છે કે તેની સ્થિતિ સ્થિર છે આ વાતો ખોટી છે.

સુનૈના કહે છે કે, વજન ઘટાડવા માટે થયેલી સર્જરી ઉપર્તા તે એક સર્વાઇકલ કેન્સરમાંથી ઉભરી છે. હાલમાં જ પિતા રાકેશ રોશને પણ ગળાનાં કેન્સરને માત આપ્યું છે.

મારા વિશે વાયરલ થયેલાં સમાચારા એકદમ ખોટા છે હું સ્વસ્થ છું. પિંકવિલા વેબસાઇટ સાથે વાત કરતાં સુનૈનાએ કહ્યું કે, અત્યાર સુધી પરિવારે તેનો હાલ-ચાલ પુછ્યો નથી.

આપને જણાવી દઇએ કે, રોશન પરિવાર સાતે સુનૈનાને હમેશાં કંઇક બબાલ રહે છે. છેલ્લા કેટલાંક દિવસથી ફરી પરિવાર સાથે બબાલ થતા તે પરિવારથી દૂર હોટલમાં રહેવા જતી રહી છે.