હની સિંહ પાસે કરોડોની સંપત્તિ, પત્ની શાલિની તલવારે વળતર તરીકે માંગી મોટી રકમ

નવી દિલ્હી: ગાયક-રેપર હની સિંહ (Yo Yo Honey Singh)ની પત્ની શાલિની તલવારે (Shalini Talwar) ગંભીર આરોપ લગાવતા હૃદેશ સિંહ (હની સિંહ) તેના માતાપિતા, નાની બહેન વિરુદ્ધ દિલ્હીની તીસ હજારી કોર્ટમાં અરજી દાખલ કરી છે. શાલિનીએ હની સિંહ પર ઘરેલૂ હિંસા, માનસિક ત્રાસ અને આર્થિક શોષણનો આરોગ લગાવ્યો છે. શાલિનીએ અરજીમાં લખ્યું છે કે લગ્ન બાદ સતત તેણી ઘરેલૂ હિંસાનો શિકાર બનતી રહી છે. ઉલ્લેખનીય છે કે લાખો દિલો પર રાજ કરતા હની સિંહ પર કરોડો રૂપિયાની સંપત્તિ છે. તેની પત્ની શાલિનીએ વળતર તરીકે મોટી રકમ માંગી છે. (તસવીર: @yoyohoneysingh/sheenz_t/Instagarm)

હૃદેશ સિંહ ઉર્ફે હની સિંહને કદાચ અંદાજ નહીં હોય કે પત્ની લગ્નના 10 વર્ષ પછી મૌન તોડશે અને એ રહસ્ય દુનિયા સામે આવી જશે જે અત્યારસુધી રાજ જ હતું. (તસવીર: @yoyohoneysingh/sheenz_t/Instagarm)

રેપર્સ હની સિંહના નામની ગણતરી સૌથી ઉપર કરવામાં આવે છે. વિવિધ મીડિયા રિપોર્ટ્સ પ્રમાણે હની સિંહ પાસે આશરે 173 કરોડ રૂપિયાની સંપત્તિ છે. (તસવીર: @yoyohoneysingh/Instagarm)

હની સિંહ દર વર્ષે આશરે 42 કરોડ રૂપિયાની આસપાસ કમાણી કરે છે. અરજીમાં પત્નીએ દાવો કર્યો છે કે હની સિંહ વિવિધ શૉ કરીને કરોડોની કમાણી કરે છે. (તસવીર: @yoyohoneysingh/Instagarm)

મીડિયા રિપોર્ટ્સ પ્રમાણે હની સિંહ પાસે 25 મિલિયન યૂએસ ડૉલરની સંપત્તિ છે. ભારતીય ચલણમાં ગણતરી કરવામાં આવે તો આ રકમ 173 કરોડ રૂપિયા થાય છે. હની પાસે દેશના અલગ અલગ શહેરમાં ઘર છે. નોઇડા, ગુડગાંવ, દિલ્હી, મુંબઈ અને પંજાબમાં ત્રણ કરોડથી વધુની કિંમતનો બંગલો છે. (તસવીર: @yoyohoneysingh/Instagarm)

હની સિંહ ગીત ગાવા માટે 15 લાખ રૂપિયા જેટલી ઊંચી ફી વસૂલ કરે છે. હની સિંહ દેશમાં સૌથી વધારે ટેક્સ ચૂકવતા વ્યક્તિમાં પણ સામેલ છે. હની સિંહને ગાડીઓનો શોખ છે. હની પાસે મોંઘી ગાડી ઑડી ક્યૂ 7, ઑડી આર 8, જગુઆર, રોલ્સ, બીએમડબલ્યૂ વગેરે છે. (તસવીર: @yoyohoneysingh/Instagarm)

શાલિની તલવારે કોર્ટમાં 160 પાનાની અરજી દાખલ કરી છે. શાલિનીએ હની સિંહ ઉપરાત અન્ય ત્રણ લોકો સામે અરજી કરીને વળતરની માંગણી કરી છે. (તસવીર: @sheenz_t/Instagarm)

શાલિનીએ માંગણી કરી છે કે દિલ્હીમાં તેણી જે ઘરમાં રહે છે તેનું ભાડું પાંચ લાખ રૂપિયા છે. હની સિંહ આ રકમ ચૂકવે તેવી માંગણી શાલિનીએ કરી છે. આ સાથે જ શાલિનીએ પોતાના ઘરેણાની એક લાંબી યાદી આપી છે. સાથે જ વચગાળાના વળતર તરીકે તેણીએ 10 કરોડ રૂપિયાની માંગણી કરી છે. (તસવીર: @sheenz_t/Instagarm)

ઉલ્લેખનીય છે કે શાલિની તલવાર તરફથી ઘરેલૂ હિંસાનો કેસ દાખલ કરવામાં આવ્યા બાદ દિલ્હીની તીસ હજારી કોર્ટે હની સિંહને 28 ઓગસ્ટ સુધી જવાબ દાખલ કરવાની નોટિસ પાઠવી છે. આ દરમિયાન કોર્ટે શાલિનીની તરફેણમાં વચગાળાનો આદેશ પણ આપ્યો છે. કોર્ટે હની સિંહની સંયુક્ત માલિકીની સંપત્તિ મામલે કોઈ જ નિર્ણય કરવા પર રોક લગાવી છે. (તસવીર @yoyohoneysingh/Instagarm)