Holi 2022: આ 9 સેલિબ્રિટી કપલ લગ્ન પછી ઉજવશે પ્રથમ વખત હોળી, આવો જોઈ કયા છે આ સેલેબ કપલ

Holi 2022 :આ વર્ષે દેશભરમાં 18 માર્ચે હોળી (Holi 2022)ની ઉજવણી કરવામાં આવી રહી છે. હોળીનો તહેવાર તમામ માટે મહત્વનો બની રહેતો હોય છે. 1975ના ક્લાસિક 'શોલે'ના લોકપ્રિય ગીત 'હોલી કે દિન' માં જે રીતે ગાવામાં આવ્યુ છે કે હોળીના દિવસે બધાના દિલ મળી જતા હોય છે. હોળીમાં પરિવાર, મિત્રો તમામ સાથે મળીને તહેવાર ઉજવે છે. આપણી જેમ સેલેબ્સ પણ હોળી (Celebrity Holi)ના તહેવારને પ્રેમ અને જોય સાથે સેલિબ્રેટ કરતા હોય છે. આ વર્ષે વિકી કૌશલ-કેટરિના કૈફથી લઈને તેજસ્વી પ્રકાશ-કરણ કુન્દ્રા સુધીના કેટલાક સેલિબ્રિટી કપલ (Celebrity Couples Holi) પ્રથમ વખત એકસાથે રંગોનો તહેવાર પ્રથમ વખત પોતાના પાર્ટનર સાથે ઉજવશે.

વિકી કૌશલ- કૈટરિના કૈફ (vicky kaushal and katrina kaif) - વિકી અને કેટરિના જેમણે ડિસેમ્બર 2021માં રાજસ્થાનમાં શાહી રીતે લગ્ન કર્યા હતા. આ વખતે આ આ ક્યૂટ કપલ લગ્ન પછીની તેમની પ્રથમ હોળી સેલિબ્રેટ કરવા જઈ રહ્યું છે. તેમના રોમેન્ટિક ફોટોઝ પરથી અંદાજ લગાવી શકાય છે કે તેમની હોળી કેટલી ખાસ બની રહેશે.

મૌની રોય- સૂરજ નામ્બિયાર (Mouni Roy and Suraj Nambiar) - જાણીતી એક્ટ્રેસ મૌનીએ જાન્યુઆરી 2022માં સૂરજ નામ્બિયાર સાથે લગ્ન કર્યા હતા. ન્યૂલી મેરિડ કપલની પ્રથમ હોળીમાં એક સાથે તેમના હોલી સેલિબ્રેશનના ફોટોઝની તેમના ફેન્સ આતુરતાથી રાહ જોઈ રહ્યાં છે.

ફરહાન અખ્તર- શિબાની દાંડેકર (Farhan Akhtar and Shibani Dandekar) - ફરહાન અખ્તર અને શિબાની દાંડેકરે તાજેતરમાં ફેબ્રુઆરીમાં એક પ્રાઈવેટ સેરેમનીમાં લગ્ન કર્યા હતા. લગ્ન પછી હોળી તેમના માટે મોટો અને પ્રથમ તહેવાર હશે, જે આ કપલ એકસાથે સેલિબ્રેટ કરશે.

રાજકુમાર રાવ- પત્રલેખા (Rajkummar Rao and Patralekhaa) - ટેલેન્ટેડ એક્ટર રાજકુમાર અને પત્રલેખા નવેમ્બર 2021માં લગ્નના પવિત્ર બંધનમાં બંધાયા હતા. મેરીડ કપલ તરીકે આ તેમની પ્રથમ હોળી હશે. બન્નેના ફેન્સ તેમના હોલી સેલિબ્રેશન માટે ઉત્સાહી છે.

અંકિતા લોખંડે- વિક્કી જૈન (Ankita Lokhande and Vicky Jain) - લોકપ્રિય અભિનેત્રી અંકિતાએ ડિસેમ્બર 2021માં તેના લોન્ગ ટાઈમ બોયફ્રેન્ડ વિકી સાથે લગ્ન કર્યા હતા અને એક મેરિડ કપલ તરીકે તે બન્ને એકસાથે પ્રથમ વખત હોળી સેલિબ્રેટ કરશે.

વિક્રાંત મેસ્સી- શીતલ ઠાકુર (Vikrant Massey and Sheetal Thakur) - વિક્રાંત અને શીતલ ગયા મહિને એકબીજા સાથે લગ્ન બંધનમાં બંધાયા હતા અને રંગોનો તહેવાર હોળી તેમના માટે ખાસ રહેશે, કારણ કે કપલ તરીકે આ તેમની પ્રથમ હોળી હશે.

કરણ કુન્દ્રા- તેજસ્વી પ્રકાશ (Karan Kundrra and Tejasswi Prakash) - બિગ બોસ 15ના લવબર્ડ્સ કરણ કુન્દ્રા અને તેજસ્વી પ્રકાશ તેમની પ્રથમ હોળી એકસાથે ઉજવશે. તેમના ફેન્સ તેમની પ્રથમ હોળી સેલિબ્રેશન ફોટોઝની આતુરતાથી રાહ જોઈ રહ્યા છે. તાજેતરમાં જ તેમણે હોળી માટે સ્પેશિયલ એપિસોડ પણ શૂટ કર્યા છે.

શમિતા શેટ્ટી- રાકેશ બાપટ (Shamita Shetty and Raqesh Bapat) - બિગ બોસ 15ના કપલ શમિતા શેટ્ટી અને રાકેશ બાપટનું બોન્ડ સમય સાથે વધુ મજબૂત બન્યું છે. બંને ખુશી અને ઉત્સાહ સાથે રંગોના તહેવાર હોળીની ઉજવણી કરતા જોવા મળશે.

રશ્મિ દેસાઈ- ઉમર રિયાઝ (Rashami Desai and Umar Riaz) - બિગ બોસ 15નું વધુ એક કપલ રશ્મિ દેસાઈ અને ઉમર રિયાઝ પણ આ વખતે પ્રથમ હોળી સેલિબ્રેટ કરતા જોવા મળશે.