Brith Anniversary: હરિવંશ રાય બચ્ચને 'અગ્નિપથ' લખીને અમિતાભ બચ્ચનની કારકિર્દીને ટોચ પર પહોંચાડી, રસપ્રદ ગાથા
ભાગ્યે જ લોકોને ખબર હશે કે 1990ની સુપરહિટ ફિલ્મ 'અગ્નિપથ' હરિવંશ રાય બચ્ચનની વાર્તા પર આધારિત છે. આ ફિલ્મે અમિતાભ બચ્ચનને ઊંચાઈ પર પહોંચાડ્યા અને તેના ડાયલોગ્સ એટલા હિટ થયા કે આજે પણ તે વારંવાર રિપીટ થાય છે.
Harivansh Rai Bachchan Birth anniversary : આજે હરિવંશરાય બચ્ચન (Harivansh Rai Bachchan)ની જન્મજયંતિ (Brith Anniversary) દિવસ છે. પ્રસિદ્ધ હિન્દી કવિ હરિવંશ રાયનો જન્મ 27 નવેમ્બર 1907ના રોજ ઉત્તર પ્રદેશ (UttarPradesh)ના પ્રતાપગઢ જિલ્લાના બાબુપટ્ટી ગામના કાયસ્થ પરિવારમાં થયો હતો. હરિવંશ રાય બચ્ચનના પ્રથમ લગ્ન (Marriage) 1926માં 19 વર્ષની ઉંમરે શ્યામા (Shyama) સાથે થયા હતા, જેઓ ટીબીની બીમારીથી મૃત્યુ (Death) પામ્યા હતા. શ્યામાના મૃત્યુના 5 વર્ષ પછી, બીજા લગ્ન તેજી બચ્ચન (Teji Bachchan) સાથે થયા, જેઓ થિયેટર અને સિંગિંગ સાથે જોડાયેલા હતા. તેજી અને હરિવંશને બે પુત્રો હતા, અમિતાભ બચ્ચન (Amitabh Bachchan) અને અજિતાભ બચ્ચન (Ajitabh Bachchan). અજિતાભ ઘણા સમયથી ચર્ચામાં નથી પરંતુ સદીના સુપરહીરો (Super Hero) બની ગયેલા અમિતાભ બચ્ચન આજે પણ ફિલ્મ ઈન્ડસ્ટ્રીથી લઈને ટીવી ઈન્ડસ્ટ્રીમાં સક્રિય છે. અમિતાભની કારકિર્દી (Career)ને સફળતાના શિખરો પર લઈ જવામાં તેમના બાબુજીનો પણ મોટો ફાળો છે.
હરિવંશરાય બચ્ચને ઘણી ઉત્તમ કૃતિઓ લખી છે. સાહિત્ય અકાદમી, પદ્મ ભૂષણ એવોર્ડ મેળવનાર પ્રખ્યાત કવિએ 'અગ્નિપથ' વાર્તા લખી હતી. ભાગ્યે જ લોકોને ખબર હશે કે 1990ની સુપરહિટ ફિલ્મ 'અગ્નિપથ' હરિવંશ રાય બચ્ચનની વાર્તા પર આધારિત છે. આ ફિલ્મે અમિતાભ બચ્ચનને ઊંચાઈ પર પહોંચાડ્યા અને તેના ડાયલોગ્સ એટલા હિટ થયા કે આજે પણ તે વારંવાર રિપીટ થાય છે.
અમિતાભે વિજય દીનાનાથ ચૌહાણની ભૂમિકા ભજવીને જબરદસ્ત લોકપ્રિયતા મેળવી હતી. જો કે અમિતાભના લાંબા ફિલ્મી કરિયરમાં ઘણા લોકપ્રિય સંવાદો આવ્યા છે, પરંતુ આજ સુધી આ ફિલ્મમાં અમિતાભ દ્વારા બોલાયેલા ડાયલોગ સાથે કોઈ મેળ કરી શક્યું નથી. અમિતાભે જે રીતે અને અવાજમાં કહ્યું, 'પૂરા નામ- વિજય દીનાનાથ ચૌહાણ, પિતા કા નામ દીનાનાથ ચૌહાણ, માતા કા નામ- સુહાસિની ચૌહાણ, ગાવ - માંડવા, ઉમર-36 વર્ષ...' આને કોઈ કેવી રીતે ભૂલી શકે.
અમિતાભ બચ્ચનની સફળતામાં બાબુજીનો મોટો હાથ - આ સિવાય હરિવંશરાય બચ્ચનની ક્લાસિક રચના મધુશાલા વિશે વાત ન કરીએ તો વાર્તા પૂર્ણ થશે નહીં. આ કવિતાની પંક્તિઓ આજે પણ સાહિત્યપ્રેમીઓના કંઠસ્થ છે. એવું કહેવાય છે કે જ્યારે હરિવંશે આ રચના લખી ત્યારે તેમની ઉંમર 27-28 વર્ષની હતી. ખુદ અમિતાભ બચ્ચને તેને પોતાના અવાજમાં લયબદ્ધ બનાવીને તેની ખ્યાતિ વધારી છે. એકવાર મીડિયાને આપેલા ઈન્ટરવ્યુમાં બિગ બીએ કહ્યું હતું કે 'જ્યારે પણ હું મારી જાતને મુશ્કેલીમાં કે નિરાશામાં જોઉં છું, ત્યારે હું મધુશાલાની લાઈનોને ગાવા લાગુ છું'.