HBD Kiara Advani : સલમાન ખાનની પહેલી GF સાથે કિયારાને છે ગાઢ સંબંધ, અશોક કુમાર સાથે પણ છે આ સંબંધ

કિયારા અડવાણી (Kiara Advani) ફિલ્મ ઇન્ડસ્ટ્રીમાં ખૂબ જ ઓછા સમયમાં પોતાની ખાસ જગ્યા બનાવનાર એક્ટ્રેસમાંથી એક છે. તે બોલીવુડમાં તેના શાનદાર અભિનય તેમજ ડ્રેસિંગ સેન્સ માટે જાણીતી છે. કિયારા હંમેશા પોતાની સુંદર સ્ટાઈલથી ચર્ચામાં રહે છે. આજે કિયારા અડવાણીનો જન્મદિવસ (Happy Birthday Kiara Advani) છે, તો ચાલો આજે તેમની સાથે જોડાયેલી કેટલીક ખાસ જાણીએ.

કિયારા અડવાણીનો જન્મ 31 જુલાઈ, 1992ના રોજ મુંબઈ ખાતે થયો હતો. કિયારા એક બિઝનેસ ફેમિલીમાંથી આવે છે. તેના પિતાનું નામ જગદીપ અડવાણી અને માતાનું નામ જેનેવિચ જાફરી છે.

કિયારાનું સાચું નામ કિયારા નથી, પરંતુ આલિયા અડવાણી છે. તેણે બોલિવૂડમાં પ્રવેશ કરવા માટે પોતાનું નામ બદલ્યું હતું. કારણ કે, આલિયા ભટ્ટ પહેલાથી જ બોલીવુડમાં પ્રવેશી ચૂકી હતી અને મોટી સ્ટાર બની ચૂકી હતી. ત્યારે સલમાન ખાને (Salman Khan) તેને નામ બદલવાની સલાહ આપી હતી.

જોકે, નામ બદલ્યા બાદ પણ કિયારાએ પોતાનું સાચું નામ નથી છોડ્યું. તેના પાસપોર્ટથી લઈને તમામ દસ્તાવેજોમાં તેનું નામ આલિયા અડવાણી છે. એટલું જ નહીં સોશિયલ મીડિયા પર પણ તે પોતાના અસલી નામનો ઉપયોગ કરે છે.

સલમાન ખાનની પ્રથમ ગર્લફ્રેન્ડ શાહીન જાફરી સાથે કિયારાને ગાઢ સંબંધ છે. ઉલ્લેખનીય છે કે શાહીન કિયારાની માસી છે. શાહીન અને સલમાને લાંબા સમય સીધી એકબીજાને ડેટ કર્યા હતા.

કિયારાએ એક ઇન્ટરવ્યુમાં કહ્યું હતું કે, મારી માતા સલમાન સરને ઓળખતી હતી. બંને બાંદ્રામાં ઉછર્યા હતા અને બંને સાથે સાઈકલ ચલાવતા હતા. સલમાન સર ઘણીવાર મારી માતાને કહેતા કે હું એક દિવસ સ્ટાર બનીશ.

કિયારાના સંબંધ માત્ર શાહીન જાફરી સાથે જ નહીં, પરંતુ દિગ્ગજ અભિનેતા, નિર્માતા અને દિગ્દર્શક દાદા મુની એટલે કે અશોક કુમાર (Ashok Kumar) સાથે પણ છે. કિયારાની સાવકી દાદી ભારતી ગાંગુલી અશોક કુમારની પુત્રી હતી.

જ્યારે કિયારાના નાના સઈદ જાફરીના ભાઈ છે. કિયારાના નાનાએ બે લગ્ન કર્યા હતા. તેમની પ્રથમ પત્ની એટલે કે કિયારાની નાની બ્રિટિશર હતી. કિયારાની નાનીને છૂટાછેડા આપ્યા બાદ તેના દાદાએ ભારતી ગાંગુલી સાથે બીજા લગ્ન કર્યા હતા.