HBD: 500 રૂપિયા લઇ મુંબઇ આવી હતી દિશા પટની આજે 5 કરોડનાં બંગલાની છે માલિક

એન્ટરટેઇનમેન્ટ ડેસ્ક: બોલિવૂડમાં તેનાં સુંદર લૂક્સ અને ટેલેન્ટનાં દમ પર અલગ ઓળખ બનાવનારી એક્ટ્રેસ દિશા પટની (Disha Patani)નો આજે જન્મ દિવસ છે. 13 જૂન 1992નાં તેનો જન્મ થયો હતો. આજે તે તેનો 29મો જન્મ દિવસ ઉજવી રહી છે. એક્ટ્રેસનાં જન્મદિવસ પર ફેન્સની સાથે સાથે બોલિવૂડ સેલિબ્રિટીઝ પણ તેને વધામણાં આપી રહ્યાં છે. દિશાનાં જન્મ દિવસે ચાલો જાણીએ તેનાં વિશે 10 એવી વાતો જે હજુ સુધી અજાણી છે.

1- દિશા પટનીનો જન્મ 13 જૂન 1992માં ઉત્તરાખંડનાં પિથોરાગઢમાં થયો છે. બાદમાં દિશા ઉત્તરપ્રદેશનાં બરેલીમાં પરિવાર સાથે રહેવા લાગી. તેનાં પિતાનું નામ જગદીશ સિંહ પટની છે. જગદીશ પટની DSP ઓફિસર છે. દિશાની મોટી બહેન છે જેનું નામ ખુશબૂ પટની છે.

2- દિશાએ એમિટી યૂનિવર્સિટી, નોયડાતી ઇલેક્ટ્રોનિક એન્જીનિયરિંગમાં ગ્રેજ્યુએશન કર્યું છે.

3- દિશાએ તેનાં કરિઅરની શરૂઆત એક મોડલ તરીકે કરી હતી. તેણે વર્ષ 2013માં પોન્ડ્સ ફેમિના મિસ ઇન્ડિયામાં ભાગ લીધો હતો. જ્યાં તે ફર્સ્ટ રનર અપ રહી હતી. જે બાદ દિશાને ઓળખ મળી. દિશાએ કેડબરી ડેરી મિલ્કની એડ કરી છે.

4- તેનાં ફિલ્મી સફરની શરૂઆત 2015માં દક્ષિણ ભારતનાં પ્રખ્યાત ડિરેક્ટર પૂરી જગન્નાથની ફિલ્મ 'લોફર'થી થઇ હતી. જેમાં તે વરૂણ તેજ સાથે નજર આવી હતી આ ફિલ્મમાં તેણે એક હૈદરાબાદી યુવતીનો રોલ કર્યો હતો. આ ફિલ્મથી તેનાં કરિઅરને કોઇ વેગ મળ્યો ન હતો.

5- વર્ષ 2016માં ભારતીય ક્રિકેટનાં સૌથી સફળ ખિલાડી મહેન્દ્ર સિંહ ધોનીનાં જીવન પર બનેલી બાયોપિક ફિલ્મ 'ધોની- એન અનટોલ્ડ સ્ટોરી'માં તેને કામ કરવાની તક મળી. ફિલ્મમાં તે મહેન્દ્ર સિંહ ધોનની પહેલી પ્રેમિકા 'પ્રિયંકા'નાં પાત્રમાં હતી. આ ફિલ્મમાં તે સુશાંત સિંહ રાજપૂત સાથે નજર આવી હતી.

6-દિશા પટનીને ફિલ્મ 'ધોની એન અનટોલ્ડ સ્ટોરી' માટે સ્ક્રીન એવોર્ડ હેઠળ બેસ્ટ ડેબ્યૂ એવોર્ડ આપવામાં આવ્યો હતો.

7- ફિલ્મ ઉપરાંત દિશા પટનીનાં અફેરની ચર્ચા પણ ખુબ રહી છે. દિશા પટનીનું પહેલું અફેર ટીવીનાં જાણીતા એક્ટર પાર્થ સમથાન સાથે હતું. તે પાર્થને એક વર્ષ સુધી ડેટ કરતી હતી. જે બાદ અચાનક જ બંનેનું બ્રેકઅપ થઇ ગયુ હતું.

8-પાર્થ સાથે બ્રેકઅપ બાદ દિશા ટાઇગરને મળી અને દિશા લાંબા સમયથી ટાઇગર શ્રોફને ડેટ કરી રહી છે. જોકે, હજુ સુધી તેઓએ તેમનાં સંબંધો પર કોઇ જ ઓફિશિયલ સ્ટેટમેન્ટ આપ્યું નથી.

9- રિપોર્ટ મુજબ દિશા મુંબઇ આવી ત્યારે ફ્કત 500 રૂપિયા તેની પાસે હતાં. દિશાએ એક ઇન્ટરન્યૂંમાં જણાવ્યું હતું કે, - હું એકલી રહેતી હતી અને કામ કરતી હતી. મે મારા પરિવાર પાસે ક્યારેય કોઇ મદદ નથી માંગી

<br />10- આજે દિશાનું મુંબઇનાં બાન્દ્રામાં પોતાનું ઘર છે. આ નવો એપાર્ટમેન્ટ વર્ષ 2017માં તેણે ખુદને ગિફ્ટ આપ્યો હતો. દિશાનાં આ ઘરનું નામ 'લિટલ હટ' છે. જેનો ભાવ 5 કરોડ રૂપિયા છે.