ફક્ત રેખા જ નહીં આ 9 બોલિવૂડ એક્ટ્રેસ સાથે અમિતાભ બચ્ચનની ઓનસ્ક્રીન સિઝલિંગ કેમિસ્ટ્રીએ મચાવી હતી ધમાલ

નવી દિલ્હી: અમિતાભ બચ્ચનનું નામ રેખાની સાથે ખૂબ જ ચર્ચામાં રહ્યું છે. તેમની જોડીને લઈને તમામ કિસ્સા તમે હંમેશા સાંભળ્યા હશે. પરંતુ તમને જણાવી દઈએ કે રેખા જ નહીં, પણ જીનત અમાન, પરવીન બાબી, હેમા માલિની, જયા પ્રદા, શ્રીદેવી સાથે પણ અમિતાભની કેમેસ્ટ્રીએ પણ ફિલ્મોમાં તેમનું જોરદાર જાદુ ચલાવ્યું છે.

અમિતાભ અને રેખાએ એક સાથે ઘણી ફિલ્મો કરી છે. 'નમક હરામ'થી લઈને 'સિલસિલા' સુધી દર્શકોએ તેમને ખૂબ જ પ્રેમ આપ્યો છે. અમિતાભ-રેખાની ફિલ્મો હિટ થઈ તો ફિલ્મમેકરે તેમની ઓનસ્ક્રીન કેમિસ્ટ્રીને વધારે જામ આપ્યુ. આ બંને દિગ્ગજ એક્ટર્સે 12 ફિલ્મોમાં એકસાથે કામ કર્યુ છે.

અમિતાભ બચ્ચન અને જીનત અમાને એકસાથે 'ડૉન', 'દોસ્તાના', 'રામ-બલરામ' જેવી ઘણી ફિલ્મોમાં સાથે કામ કર્યુ છે. તેમની જોડી ફિલ્મ 'પુકાર'માં ખૂબ જ પસંદ કરવામાં આવી હતી. આ ફિલ્મનું ગીત 'સમંદર મે નહા કે'માં ઓનસ્ક્રીન સિઝલિંગ કેમિસ્ટ્રીએ ધમાલ કરી દીધી હતી. એકવાર 'સુપર ડાન્સર' રિયાલિટી શો પર પહોંચી જીનતે શૂટિંગનાં દિવસોને યાદ કરતાં સમયે જણાવ્યું હતું કે ગીતનું શૂટિંગ ગોવામાં થયું હતું અને આ ગીત મારા દિલની ખૂબ જ નજીક છે.

70-80ના દાયકાની ખૂબ જ ગ્લેમરસ એક્ટ્રેસ પરવીન બાબીની સાથે અમિતાભની જોડીને દર્શકોએ ખૂબ જ પસંદ કરી હતી. અમિતાભ-પરવીનની જોડીએ 'ખુદ્દાર', 'કાલિયા' સહિત ઘણી હિટ ફિલ્મમાં સાથે કામ કર્યુ હતું. એક ઈન્ટરવ્યુમાં પરવીને અમિતાભનાં તારીફનાં પૂલ બાંધતા જણાવ્યું હતું કે, પોતાના જીવનમાં સૌથી વધારે ઇમ્પ્રેસ અમિતાભથી થઈ હતી. જોકે બાદમાં સિઝોફ્રેનિયા નામની ગંભીર બીમારીથી પીડિત થઈ તો અમિતાભ પર જાનથી મારી નાંખવાનો આરોપ પણ લગાવ્યો હતો.

અમિતાભ બચ્ચન અને જયા પ્રદાની જોડી 'શરાબી'થી એવી હિટ થઈ કે આ બંનેએ એક સાથે 'આજ કા અર્જૂન', 'ગંગા જમુના સરસ્વતી', 'આખિરી રાસ્તા' જેવી ફિલ્મોમાં કામ કર્યુ હતું. 80-90ના દાયકામાં જયા પ્રદા અને અમિતાભને એકસાથે કાસ્ટ કરવા માટે ફિલ્મમેકર્સની હોડ લાગતી હતી.

અમિતાભ બચ્ચન સુપરસ્ટાર માનવામાં આવે છે તો શ્રીદેવી ફીમેલ સુપરસ્ટાર કહેવામાં આવે છે. આ બંને એક્ટર્સની કેમેસ્ટ્રી, 'ખુદા ગવાહ', 'ઈંકલાબ' જેવી ફિલ્મોમાં કમાલ કરી દીધી હતી.

અમિતાભ બચ્ચન અને સ્મિતા પાટિલની જોડીએ 1982માં રિલીઝ થયેલી ફિલ્મ 'નમક હલાલ'માં કમાલ કરી દીધી હતી. આ ફિલ્મમાં એક ગીત 'આજ રપટ જાએં'માં બંનેની કેમેસ્ટ્રી જબરદસ્ત જોવા મળી હતી. પ્રકાશ મેહરાનાં નિર્દેશનમાં બનેલી આ ફિલ્મમાં અમિતાભ-સ્મિતાની રોમેન્ટિક જોડીએ તેને હિટ બનાવી દીધી હતી.

અમિતાભ બચ્ચન અને હેમા માલિનીની ફિલ્મ 'સત્તે પે સત્તા', 'નસીબ'થી લઈને 'બાગબાન' સુધી ઘણી ફિલ્મોમાં એકબીજાનાં સાથી રહ્યા છે. અમિતાભની સાથે કામ કરવા માટે હેમા કમ્ફર્ટેબલ રહેતી અને તેને એક શાનદાર કો-એક્ટર માને છે.

અમિતાભ અને જયા ભાદુડીની જોડીની ખૂબ જ પ્રશંસા કરવામાં આવી હતી. અમિતાભ અને જયાની ફિલ્મ બંસી ઓર બિરજૂમાં પહેલીવાર કામ કર્યુ હતું. 1 સપ્ટેમ્બર 1970માં રિલીઝ થયેલી ફિલ્મ વિશે ખુદ અમિતાભે પોતાના ઈન્સ્ટાગ્રામમાં જાણકારી આપી હતી. આ જોડી પડદાંમાંથી પસાર થઈને અસલ જીવનની જોડી બની અને અમિતાભ-જયા ખુશહાલ દામ્પત્ય જીવન ગુજારી રહ્યા છે.