Bollywood News : શાહિદ કપૂરથી લઈને જુહી ચાવલા સુધી, આ બોલિવૂડ સ્ટાર્સ OTT ડેબ્યૂ કરવા તૈયાર

શાહિદ કપૂરથી લઈને જુહી ચાવલા સુધી, અહીં એવા કલાકારો અને તેમના OTT પ્રોજેક્ટ્સ છે જેઓ વર્ષ 2022 માં તેમની ડિજિટલ પદાર્પણ કરશે. આ કલાકારોના ચાહકો તેમને OTT પર જોવા માટે ઉત્સુક છે.

શાહિદ કપૂર રાજ એન્ડ ડીકેની અનટાઈટલ્ડ થ્રિલર સાથે ઓટીટી સ્પેસમાં પદાર્પણ કરશે. આમાં દર્શકોને ડાર્ક કોમેડી જોવા મળશે. મીડિયા રિપોર્ટ્સ અનુસાર, આ શોને સીતા આર મેનન, સુમન કુમાર અને હુસૈન દલાલે સંયુક્ત રીતે લખ્યો છે.

સોનાક્ષી સિંહા આગામી વેબ સિરીઝ 'ફોલન'નો એક ભાગ છે. સમાચાર અનુસાર, આ સીરિઝ કેરળના એક વ્યક્તિની વાર્તા પર આધારિત છે, જેના પર લગ્ન સંબંધિત છેતરપિંડી અને લૂંટના ઘણા કેસનો આરોપ છે.

આ સિરીઝમાં સોનાક્ષી ઉપરાંત વિજય વર્મા અને ગુલશન દેવૈયા પણ ખાસ ભૂમિકામાં હશે. તેનું નિર્દેશન રીમા કાગતી અને રૂચિકા ઓબેરોય કરશે.

આદિત્ય રોય કપૂર તેની આગામી ફિલ્મ 'ઓમઃ ધ બેટલ વિથિન'ની તૈયારી કરી રહ્યો છે. તે આ વર્ષે તેના ડિજિટલ ડેબ્યુ માટે પણ તૈયારી કરી રહ્યો છે. મીડિયા રિપોર્ટ્સ અનુસાર, આ શો લોકપ્રિય હોલીવુડ સીરિઝ 'ધ નાઈટ માસ્ટર'ની ઓફિશિયલ હિન્દી રિમેક છે. તેમાં અનિલ કપૂર પણ મુખ્ય ભૂમિકામાં છે.

ફાતિમા સના શેખ આગામી એન્થોલોજીનો એક ભાગ છે જે 'મોડર્ન લવ' નામના લોકપ્રિય અમેરિકન ટીવી શોની સત્તાવાર હિન્દી રિમેક છે. હંસલ મહેતા, વિશાલ ભારદ્વાજ, અંજલિ મેનન, અલંકૃતા શ્રીવાસ્તવ, ધ્રુવ સહગલ અને શોનાલી બોઝે આ સીરિઝમાં યોગદાન આપ્યું છે.

જૂહી ચાવલા 'હશ હશ' દ્વારા ડિજિટલ ડેબ્યૂ કરવા માટે તૈયાર છે. સસ્પેન્સ ડ્રામામાં 90ના દાયકાની સ્ટાર આયેશા જુલ્કા પણ મહત્વના રોલમાં છે.