FIR બાદ અરબાઝ સૌહેલ અને નિર્વાન ખાન થયા તાજમાં ક્વૉરન્ટીન, કોરના ગાઇડલાઇન્સની ઐસી-તૈસી

એન્ટરટેઇનમેન્ટ ડેસ્ક: બોલિવૂડ (Bollywood)નાં ભાઇજાન સલમાન ખાન (Salman Khan)નાં ભાઇ અરબાઝ ખાન (Arbaaz Khan), સોહેલ ખાન (Sohail Khan) અને દીકરા નિર્વામ ખાનને BMCનાં મુંબઇનાં બાન્દ્રા સ્થિત તાજ લેન્ડ્સ એન્ડ હોટલમાં ક્વૉરન્ટિન કરવામાં આવ્યાં છે. અરબાઝ ખાન, સોહેલ ખાન અને તેનાં દીકરા નિર્વાણ વિરુદ્ધ મુંબઇ પોલીસે સોમવારે (4 જાન્યુઆરી)નાં કોવિડ-19નાં નિયમોનું ઉલ્લંઘન કરવાનો કેસ દાખલ કર્યો છે. તેમનાં પર કોરોના ગાઇડલાઇન્સની ઐસી તૈસી કરવાનો આરોપ છે.

જાણકારી મજુબ, અરબાઝ, સોહેલ અને નિ્રવાન 25 ડિસેમ્બરનાં જ દુબઇથી પરત આવ્યાં હતાં. નિયમો મજુબ તેમને સાત દિવસ માટે પોતાને ક્વૉરન્ટીન કરવાની હતી. આરોપ છે કે, અરબાઝ, સોહેલ અને નિર્વાન હોટલમાં પોતાને ક્વૉરન્ટીન જણાવીને ઘરે પરત ફરી ગયા હતાં. આ વાતની જાણકારી BMCનાં મેડિકલ અધિકારીને થતા તેમની ફરિયાદનાં આધારે ત્રણેય વિરુદ્ધ કોવિડ-19 એક્ટ હેઠળ કેસ દાખલ કરવામાં આવ્યો છે. FIR ખાર પોલીસ સ્ટેશનમાં દાખલ કરવામાં આવી છે.

સ્વાસ્થ્ય મંત્રાલયની ગાઇડલાઇન્સ મુજબ, ઇંગ્લેન્ડ અને દુબઇ સહિત યૂરોપનાં કોઇ પણ દેશમાંથી પરત આવ્યાં બાદ ઓછામાં ઓછા 7 દિવસ સુધી પોતાને ક્વૉરન્ટિન કરવાની રહેશે. આ નિયમ ડિસેમ્બરનાં મહિનામાં ઇંગ્લેન્ડમાં કોરોના વાયરસનો નવો સ્ટ્રેન સામે આવ્યાં બાદ કડકાઇથી લાગુ કરવામાં આવ્યો છે.