Father's Day: આ સ્ટાર કિડ્સનાં સૌથી મોઘી ભેટ, કોઇનાં પિતાએ આપ્યો 54 કરોડનો બંગલો, કોઇએ આપી લક્ઝ્યુરિયસ કાર

એન્ટરટેઇનમેન્ટ ડેસ્ક: દુનિયાભરમાં આજે ફાધર્સ ડે (Father's Day) ઉજવવામાં આવી રહ્યો છે. આ દિવસ પિતાને સમર્પિત છે. તેમનાં ઉપકારોને યાદ કરી તેમને ખાસ બનાવવાનો આ દિવસ છે. ત્યારે આજે વાત કરીએ બોલિવૂડનાં તે પિતા વિશે જેમણે તેમનાં બાળકોને મોંઘી મોંઘી ગિફ્ટ આપી છે. એટલી મોંઘી કે કદાચ કોઇ પોતાની આખી જીંદગી પણ બચત કરે તો પણ ન કમાઇ શકે.

અભિષેક બચ્ચન અને ઐશ્વર્યા રાયની દીકરી આરાધ્યા જ્યારે એક વર્ષની થઇ, ત્યારે પિતા અને માએ તેને મિની કૂપર ગિફ્ટ કરી હતી. તે સમયે તેની કિંમત 24 લાખ રૂપિયા હતી. જે બાદ તેણે દીકરીને દુબઇમાં હોલિડે હોમ ગિફ્ટ કર્યો હતો. જેની કિંમત 54 કરોડ રૂપિયા આંકવામાં આવી રહી છે. એટલું જ નહીં આરાધ્યા જ્યારે 4 વર્ષની હતી ત્યારે અભિષેક બચ્ચને આશરે 1.50 કરોડ રૂપિયાનાં ભાવ વાળી ઓડી A8 કાર ગિફ્ટ કરી હતી.

સૈફ અલી ખાને 14 નવેમ્બર 2017નાં બાળ દિવસે દીકરા તૈમૂર અલી ખાનને એક જીપ ગ્રેડ ચેરોકી એસઆરટી ખરીદીને આપી હતી જેની કિંમત 1.30 કરોડ રૂપિયા હતી. ખાસ વાત તો એ છે કે આ સમયે તૈમૂરની ઉંમર માત્ર એક વર્ષ હતી. આ સીવાય તૈમૂરનાં જન્મ દિવસે તેને એક જંગલ પણ ગિફ્ટ કર્યું હતું.

રાની મુખર્જી અને આદિત્ય ચોપરા દીકરી (આદિરા)નાં પેરેન્ટ્સ છે. રિપોર્ટ્સ અનુસાર આદિત્ય અને રાનીએ દીકરી આદિરા માટે જુહૂમાં બે બંગલા ખરીદી રાખ્યા છે. આ બંને બંગ્લા તેને યશરાજ સ્ટૂડિયોની નજીકમાં ખરીદ્યાં છે. સાથે જ યારી રોડ સ્થિત રાની મુખર્જીનાં ઘરની નજીક પણ છે.

શાહરૂખ ખાને દીકરા આર્યન ખાન અને દીકરી સુહાના ખાનને ઓડી A6 કાર ગિફ્ટ કરી હતી જેનો ભાવ 60 લાખ રૂપિયા છે આ કારમાં એન્ટી લોક બ્રેકિંગ સિસ્ટમ, ઇલેક્ટ્રોનિક બ્રેક પ્રેશર અને હેડ પ્રોટેક્શન એરબેગ સહિતનાં શાનદાર ફિચર્સ છે.

શાહરૂખ ખાને નાના દીકરા અબરામને એક ટ્રી હાઉસ ગિફ્ટ કર્યું હતું. જે ફિલ્મ ઇન્ડસ્ટ્રીનાં ફેમસ સેટ ડિઝાઇનર અને શાહરૂખનાં બંગલા મન્નતને ડિઝાન કરનારા સબૂ સાયારિલે ડિઝાઇન કર્યું હતું. આ ટ્રી હાઉસમાં ફર્નિચરથી લઇ બાલકની અને રૂમ સુધી બધુ જ છે.

કરન જોહરે તેનાં જોડકા બાળકો યશ અને રુહીને એક નર્સરી ગિફ્ટ કરી હતી. જેને શાહરૂખ ખાનની પત્ની ગૌરી ખાને ડિઝાઇન કરી છે. આ નર્સરીમાં સુઇ જવા માટે બે બેડ્સ છે. આરામ કરવાં માટે સફેદ રંગનું કાઉચ છે. કાર્ટૂન્સથી ભરેલી એક સ્ટનિંગ વોલ ગેલરી છે. રમકડાં અને ફોટોફ્રેમ્સ છે. બાળકોનું આર્ટવર્ક અહીં મુકવામાં આવ્યું છે.

ગત એક વર્ષે એવી વાતો હતી કે, બિઝનેસમેન રાજ કુન્દ્રાએ તેની પત્ની શિલ્પા શેટ્ટી અને દીકરા વિવાનને 3 કરોડ રૂપિયાની લેંબોર્ગિની ગિફ્ટ કરી છે. જોકે, ખુદ રાજ કુન્દ્રાએ આ ખબરો પાયા વિહોણી ગણાવી હતી. આ પહેલાં 2013માં રાજ અને શિલ્પાએ વિવાનને લેંબોર્ગિની કિડ્સ કાર ગિફ્ટ કરી હતી.

શાહિદ કપૂર અને તેની પત્ની મારા કપૂરને બે બાળકો છે. દીરકી મીશા અને દીકરો ઝેન. મીશા જ્યારે એક વર્ષની થઇ ત્યારે શાહિદે તેને લંડન ટ્રીપ ગિફ્ટ કરી હતી.