Farhan Akhtar: ભૂલથી મહિલા હોકી ટીમને જીતનાં અભિનંદન આપતા થયો TROLL,યુઝર્સે કહ્યું- આટલું ડ્રગ્સ ન લો

એન્ટરટેનમેન્ટ ડેસ્ક: ટોક્યો ઓલિમ્પિકમાં પુરુષોની હીકો ટીમે 41 વર્ષો બાદ મેડલ જીતીને દેશને ગૌરવ અપાવ્યું છે. આ ખુશીના પ્રસંગે નરેન્દ્ર મોદી સહિત દેશના ઘણા બધા સેલેબ્સે જીત માટે અભિનંદન પાઠવ્યા છે, ત્યારે બોલિવૂડ એક્ટર ફરહાન અખ્તરે પણ ભારતની હોકી ટીમને અભિનંદન પાઠવ્યા હતાં. જોકે આ સમયે તેનાંથી મોટી ભૂલ તઇ ગઇ અને તે સોશિયલ મીડિયા પર ટ્રોલ થવા લાગ્યો. કારણ કે ફરહાને પુરુષોની જગ્યાએ મહિલા હોકી ટીમની તસવીર શેર કરી મહિલા ટીમને જીતનાં અભિનંદન પાઠવ્યાં હતાં. જેના કારણે તેને ટ્રોલ થવું પડ્યું છે.

ફરહાને ઉતાવળમાં ટ્વિટર પર અભિનંદન આપતા લખ્યું હતું, ગો ગર્લ, ટીમ ઈન્ડિયા પર ફાઈટિંગ સ્પ્રિટ દેખાડવા અને ચોથો મેડલ લાવવા પર ગર્વ મહેસૂસ થઈ રહ્યો છે. સુપર. ટોક્યો ઓલિમ્પિક. ફરહાનની આ ટ્વીટ સામે આવતા જ તે ટ્રોલ થવા લાગ્યો, ત્યારબાદ તેણે પોતાની આ ટ્વીટ ડિલિટ કરી, સુધારાની સાથે ફરીથી ટીમને અભિનંદન આપ્યા હતા.

આ રીતે ટ્રોલ થયો ફરહાન- એક યુઝરે એક્ટરની ભૂલ પર તેની મજાક ઉડાવતા લખ્યું, ઊંઘમાં હતા કે શું અંકલ. જ્યારે બીજા યુઝરે લખ્યું, ડ્રગ્સ ને કહો ના.

એક મહિલા યુઝરે એક્ટરને ટ્રોલ કરીને લખ્યું, વિચારવા જેવી વાત છે કે, પછી આવા જ લોકો લેજેન્ડરી સ્પોર્ટ્સમેન પર બાયોપિક બનાવે છે. તેમજ કેટલાક યુઝરે લખ્યું, કોઈ સસ્તો નશો કરીને ટ્વીટ કરી છે.

ફરહાન અખ્તર તાજેતરમાં સ્પોર્ટસ ડ્રામા ફિલ્મ તુફાનમાં જોવા મળ્યો હતો, જેમાં તેણે બોક્સરની ભૂમિકા નિભાવી હતી. અગાઉ એક્ટરે વર્ષ 2013માં રિલીઝ થયેલી એથલીટ મિલ્ખા સિંહની બાયોપિક ભાગ મિલ્ખા ભાગમાં મિલ્ખા સિંહની ભૂમિકા નિભાવી હતી.