સૌથી ખરાબ Kiss! મર્ડર ફિલ્મના સેટ પર મલ્લિકા શેરાવત સાથે બાખડ્યો હતો ઇમરાન હાશ્મી, છતાં આપ્યાં એકથી એક બોલ્ડ સીન

ઇમરાન હાશ્મીની વાત આવે અને કોઇને મર્ડર ફિલ્મ યાદ ન આવે એવું કેવી રીતે બને. 2004માં રિલીઝ થયેલી ફિલ્મ મર્ડરમાં ઇમરાન સાથે મલ્લિકા શેરાવત લીડ એક્ટ્રેસ હતી. બંનેએ ફિલ્મમાં ઘણા બોલ્ડ અને સ્ટીમી સીન્સ આપ્યા હતા.

બંનેની જોડી પણ ખૂબ પસંદ કરવામાં આવી હતી. યંગસ્ટર્સ વચ્ચે આ જોડીનો જોરદાર ક્રેઝ હતો. પરંતુ તમને જાણીને નવાઇ લાગશે કે રિયલ લાઇફમાં બંને વચ્ચે એટલી જ નારાજગી હતી.

ઈમરાનનો સૌથી ખરાબ એક્સપીરિયન્સ: ફિલ્મ 'મર્ડર'નું બોક્સ ઓફિસ પર જેટલું કલેક્શન છે, તેટલા જ આ સ્ટાર્સ વચ્ચેના ઝઘડાના કિસ્સા પણ ચર્ચામાં રહ્યાં છે. કરણ જોહરના ચેટ શો કોફી વિથ કરણમાં રેપિડ ફાયર દરમિયાન, ઈમરાને મલ્લિકાને 'સૌથી ખરાબ કિસર' કહી. ઈમરાને કહ્યું હતું કે તેના કરતાં તો તે જેકલીન ફર્નાન્ડીઝને પસંદ કરશે. સાથે જ તેણે મર્ડર 2ને વધુ સારી ફિલ્મ ગણાવી હતી.

એટલું જ નહીં, જ્યારે તેને પૂછવામાં આવ્યું કે જો તે ભૂલથી મલ્લિકા શેરાવતના બેડરૂમમાં એન્ટર કરી જાય તો તે શું કરશે? જેના જવાબમાં ઈમરાને ટોણો મારતા કહ્યું- 'એક ઇડિયટ ગાઈડ જેને હોલીવુડમાં સફળતા મેળવવી છે.'

જો કે, આ શાબ્દિક યુદ્ધ અહીં અટક્યું ન હતું. કરણ જોહરના શોમાં મલ્લિકા શેરાવતે પણ ઈમરાનના કટાક્ષનો જડબાતોડ જવાબ આપ્યો હતો. જ્યારે એક ઈન્ટરવ્યુમાં મલ્લિકાને પૂછવામાં આવ્યું કે ઈમરાનની વાત પર તે શું કહેશે? તો એક્ટ્રેસે પોતાનો ગુસ્સો વ્યકત કર્યો હતો અને કહ્યું હતું - ફિલ્મ 'હિસ'માં કામ કરનાર સાપે તેના કરતા મને વધુ સારી રીતે કિસ કરી હતી.

મલ્લિકાએ ગણાવ્યો ફાલતુ ઝગડો : ઘણા વર્ષો પછી, મલ્લિકા શેરાવતે ખુલાસો કર્યો કે તેમની વચ્ચેનો ઝગડો ખૂબ જ ફાલતુ હતો. એક્ટ્રેસે કહ્યું હતું- 'બોલિવૂડમાં ઘણા એવા કલાકારો છે જે ઇચ્છે છે કે જેવા તે સેટ પર આવે તેવી તરત જ તેમને ખુરશી મળે. પરંતુ મેં આવું ક્યારેય કર્યું નથી, તેનાથી વિપરીત, આ બધી બાબતોને લઈને મેં મારા કો-સ્ટાર્સ સાથે ઘણી વાર ઝઘડો કર્યો છે. આ ઝઘડો અમારી ફિલ્મ મર્ડર દરમિયાન થયો હતો. અમે એકબીજા સાથે વાત પણ નહોતી કરી.

સીરીયલ કિસરનો કિસિંગ રેકોર્ડ: બોલીવુડના સીરીયલ કિસર કહેવાતા ઈમરાન હાશ્મીએ 24 માર્ચે પોતાનો 44મો બર્થ ડે સેલિબ્રેટ કર્યો. પરંતુ શું તમે જાણો છો કે ઈમરાનને આ ટેગ બિલકુલ પસંદ નથી. એક્ટરને હવે ફિલ્મ 'મર્ડર'ના આ ટેગને તેના નામ સાથે જોડવાનું પસંદ નથી.

તેણે સતત ઘણી ફિલ્મોમાં કિસિંગ સીન આપ્યા છે. જેના કારણે એક્ટરને આ નામ મળ્યું. સૌથી લાંબી કિસ કરવાનો રેકોર્ડ પણ તેના નામે છે. ફિલ્મ રાઝ 3માં ઈમરાને એશા ગુપ્તાને 20 મિનિટ સુધી કિસ કરી હતી.