આયુષ્માનની 'ડ્રિમ ગર્લ' જનતાને આવી પસંદ, જાણો પહેલાં દિવસની કમાણી

આયુષ્માન ખુરાના (Ayushmann Khurrana) અને નુસરત ભરુચા (Nushrat Bharucha)ની મોસ્ટ અવેઇટેડ કોમેડી ડ્રામા ફિલ્મ ડ્રીમ ગર્લ (Dream Girl) આખરે બોક્સ ઓફિસ (Box Office) પર રિલીઝ થઇ ગઇ છે. ફિલ્મ દર્શકોને પસંદ આવી રહી છે.

આયુષ્માન ખુરાનાની એક્ટિંગ અને તેની કોમેડીનાં દિલ ખોલીને વખાણ થઇ રહ્યાં છે. એટલું જ નહીં આયુષ્માનનો પૂજા અવતાર પણ લોકો પસંદ કરી રહ્યાં છે. ફિલ્મનાં પહેલાં દિવસની કમાણીની વાત કરીએ તો, બોક્સ ઓફિસ ઇન્ડિયા ડોટ કોમ અનુસાર આ ફિલ્મે પહેલાં દિવસે 10.05 કરોડ રૂપિયાની ઓપનિંગ કરી છે.

ટ્રેડ એનાલિસ્ટ તરણ આદર્શે ટ્વિટ કરીને આયુષ્માન ખુરાનાની ફિલ્મ 'ડ્રિમ ગર્લ'ની પહેલા દિવસની કમાણીનો આંકડો શેર કર્યો છે. આ સાથે જ તેણે આયુષ્માનની અન્ય ફિલ્મોની પહેલાં દિવસની કમાણી પણ શેર કરી છે.

આયુષ્માન ખુરાનાની ફિલ્મ 'ડ્રીમ ગર્લ' ફિલ્મે સુશાંત સિંઘ રાજપૂતની છીછોરે (Chhichhore)ની ઓપનિંગ કમાણીનો રેકોર્ડ તોડી દીધો છે. આ ફિલ્મનું બજેટ માત્ર 30 કરોડ રૂપિયા છે. ફિલ્મની પહેલાં દિવસની કમાણીને જોઇને અંદાજ લગાવી શકાય છે કે, આ ફિલ્મની કમાણીએ જો આજ રફતાર જાળવી રાખી તો ત્રણ દિવસમાં જે તેનાં બજેટની રકમ મેળવી લેશે.

આયુષ્માન ખુરાના અને નુસરત ભરુચાની ફિલ્મ 'ડ્રીમ ગર્લ'ને રાજ શાંડિલ્યએ ડિરેક્ટ કરી છે. ડ્રીમ ગર્લ પહેલાં આયુષ્માન ખુરાનાની આર્ટિકલ15, બધાઇ હો, અંધાધુન, શુભ મંગલ સાવધાન અને બરેલી કી બરફી અને વિકી ડોનર જેવી ફિલ્મો આવી હતી. વિકી ડોનર ફિલ્મથી જ તેણે ફિલ્મોમાં લિડ એક્ટર તરીકે એન્ટ્રી કરી હતી.