શોએબ ઇબ્રાહિમની બહેન સબાના વેડિંગ રિસેપ્શનમાં ભાભી દીપિકા કક્કરે વિખેર્યો જલવો, ગૌહર ખાને લૂંટી મહેફિલ

'સસુરાલ સિમર કા' ફેમ એક્ટર શોએબ ઈબ્રાહિમની બહેન અને દીપિકા કક્કરની વહાલી નણંદ સબા ઈબ્રાહિમના હવે લગ્ન થઇ ગયા છે અને તેના પતિ ખાલિદ નિયાઝ સાથે નવું જીવન શરૂ કર્યું છે. આ કપલે 6 નવેમ્બર 2022ના રોજ તેમના વતન મૌધામાં લગ્ન કર્યા હતા. સબાના લગ્નના ફોટા અને વીડિયો આજે પણ સોશિયલ મીડિયા પર છવાયેલા છે. લગ્ન બાદ હવે સબાનું રિસેપ્શન મુંબઈમાં રાખવામાં આવ્યું હતું, જેમાં ટીવી જગતની અનેક હસ્તીઓએ હાજરી આપી હતી અને આ રિસેપ્શનમાં ચાર ચાંદ લગાવી દીધા હતા. (Photo Credit : Viral Bhayani)

સબાના રિસેપ્શનમાં શોએબ અને દીપિકાના નજીકના મિત્રો અને ગૌહર ખાન, ઝૈદ દરબાર, આયુષી ખુરાના, શગુફ્તા અલી, જયા ઓઝા, જયતિ ભાટિયા, સંભાવના સેઠ, અવિનાશ, નિમિષા વખારિયા જેવા ઘણા કલાકારોએ હાજરી આપી હતી.

તમને જણાવી દઈએ કે શોએબ અને પત્ની દીપિકા કક્કરે લગ્નના તમામ ફંક્શનને શાનદાર બનાવવા માટે કોઈ કસર છોડી નથી. હવે સબાના લગ્નના રિસેપ્શનની તસવીરો જોઈને લાગે છે કે ટીવી કપલે હવે મુંબઈમાં તેમના કો-સ્ટાર્સ અને ફ્રેન્ડ્ઝનું ભવ્ય સ્વાગત કર્યું છે.

પાર્ટીમાં દીપિકા અને શોએબની જોડી હંમેશાની જેમ પરફેક્ટ લાગી રહી હતી. જ્યારે દીપિકાએ ગોલ્ડન લહેંગામાં સિમ્પલ લુક રાખ્યો હતો, તો શોએબ બ્લેક બંધગાલા શેરવાનીમાં ખૂબ જ હેન્ડસમ લાગતો હતો.

પાર્ટીમાં ન્યૂલી મેરિડ કપલ ​​સબા અને તેનો પતિ ખાલિદ ખાસ અંદાજમાં પહોંચ્યા હતા. આ કપલ ખૂબ જ સુંદર લાગી રહ્યું હતું. આ દરમિયાન સબાએ પર્પલ આઉટફિટ પહેર્યો હતો જ્યારે ખાલિદ બ્લેક શેરવાનીમાં જોવા મળ્યો હતો.

ગૌહર ખાને તેના પતિ ઝૈદ દરબાર સાથે આ ફંક્શનમાં હાજરી આપી હતી. ગૌહર પિંક આઉટફિટમાં જોવા મળી હતી, જ્યારે તેનો પતિ બ્રાઉન અને બ્લેક સૂટમાં હેન્ડસમ લાગતો હતો.

પાર્ટીમાં ભોજપુરી એક્ટ્રેસ સંભાવના સેઠ પણ અવિનાશ સાથે પહોંચી હતી. આ દરમિયાન બંનેનો લૂક ખૂબ જ ઇમ્પ્રેસિવ હતો.

પાર્ટીમાં આયુષી ખુરાના, શગુફ્તા અલી, જયા ઓઝા, જયતિ ભાટિયા પણ ખૂબસૂરત લાગી રહ્યાં હતા.