દિલીપ કુમારે નરગિસ સાથે શેર કરી તસવીર, પૂછ્યું- 'ખબર છે, ક્યાં અને ક્યારનો છે આ ફોટો'

એન્ટરટેઇનમેન્ટ ડેસ્ક: બોલિવૂડનાં દિગ્ગજ એક્ટર દિલીપ કુમાર (Dilip Kumar) હોસ્પિટલમાંથી હવે ઘરે પરત આવી ગયા છે. ગત થોડા દિવસ હોસ્પિટલમાં વિતાવ્યાં બાદ તેમને રજા મળી ગઇ છે. તેઓ હાલમાં 98 વર્ષનાં છે. તેમને શ્વાસમાં તક્લીફ પડી હોવાને કારણે રવિવારનાં છ જૂનમાં મુંબઇની હિન્દૂજા હોસ્પિટલમાં તેમને દાખલ કરવામાં આવ્યાં હતાં. ઘરે પરત જતા સમયે કેટલીક તસવીરો સોશિયલ મીડિયા પર વયારલ થઇ હતી. જે બાદ તેનાં ફેન્સે રાહતનો શ્વાસ લીધો હતો. હવે તેનાં ફેન્સ માટે એક્ટ્રેસ નરગિસે એક થ્રોબેક તસવીર પોસ્ટ કરી હતી. અને આ તસવીર પર તેમણે ફેન્સને એક સવાલ કર્યો છે.

દિલીપ કુમારની વર્ષો જની આ તસવીર તેમનાં પારિવારિક મિત્ર ફૈઝલ ફારુકીની પોસ્ટ કરી હતી. તસવીર પર ફેન્સે ઘણી બધી કમેન્ટ્સ કરી હતી. એક લખે છે, 'બાબુલ'નાં શૂટિંગ સમયની છે. ચાર્મિગ પર્સનાલિટી. મારા પસંદીદા દિલીપ કુમાર સાહબ. આમીન. આ તસવીર પર તેમનાં ફેન્સ તેમનાં સ્વાસ્થ્ય માટે દુઆઓ કરી રહ્યાં છે.

દિલીપ કુમારે (Dilip Kumar)એ વર્ષો જૂની એક તસવીર શેર કરી છે જે તસવીરમાં તેમની સાથે એક્ટ્રેસ નરગિસ (Nargis) અને કેટલાંક અન્ય લોકો પણ છે. તમામ એક દરવાજાની બહાર ઉભેલાં પોઝ આપતાં નજર આવે છે. આ સાથે કેપ્શનમાં લખ્યું છે કે,- કોઇ આઇડિયા આ થસવીર ક્યાં અને ક્યારે ક્લિક થયેલી છે?

દિલીપ કુમાર જ્યારે હોસ્પિટલમાંથી ડિસ્ચાર્જ થયા ત્યારે સાયરા બાનો તેમની સાથે નજર આવી હતી. એટલું જ નહીં તેમણે મીડિયાની સામે દિલીપ કુમારનાં માથે ચુંબન કર્યું હતું. અને પછી મીડિયા સાથે વાત કરતાં દિલીપ કુમારનાં હેલ્થ અપડેટ આપી હતી. આ સાથે જ તેમણે ફેન્સને સાહબનાં સારા સ્વાસ્થ્ય માટે દુઆઓ કરવા બદલ આભાર માન્યો હતો.

દિલીપ કુમારને બુધવારે એક સફળ પ્લ્યૂરલ એસપિરેશન પ્રોસિઝરમાંથી પસાર થવું પડ્યું હતું. બાદમાં તેમની તબિયતમાં ઘણો સુધારો આવ્યો હતો.