#MeToo સાજિદ ખાન અંગે બોલી દિયા મિર્ઝા-'તે વાહિયાત માણસ છે'

ફિલ્મ મેકર સાજિદ ખાન પર અત્યાર સુધીમાં ઘણી મહિલાએ યૌન શોષણનો આરોપ લગાવી દીધો છે. તે બાદ સાજિદની ફિલ્મ 'હાઉસફુલ-4'થી હટાવી દેવામાં આવ્યો છે. સાજિદ ખાનની ફિલ્મ 'બેબી'માં ગેસ્ટ અપીયરન્સ આપનારી એક્ટ્રેસ દિયા મિર્ઝાએ ઇન્ડિયા ટૂડે સાથે વાત ચીતમાં પોતાનાં વિચાર સાજિદ અંગે જણાવ્યાં હતાં.

દિયાએ કહ્યું કે, મને કલ્પના પણ ન હતી કે તે કોઇ મહિલા સાથે આ હદ સુધીનો દુર્વ્યવહાર કરી શકે છે. તેણે કહ્યું કે, તે સંપૂર્ણ રીતે સમજી શકે છે કે લોકોને કેવું લાગી રહ્યું હશે. પણ આ કહેવું ખોટુ છે કે જે નામ સામે આવી રહ્યાં છે તે ચોકાવનારા છે.

મારી સાથે ક્યારેય નથી બન્યુ આવું- પોતાનાં અનુભવ વિશે વાત કરતાં દિાયએ કહ્યું કે, ભાગ્યશાળી છુ કે હું ક્યારેય શારીરિક સતામણીનો ભોગ બની હતી. જોકે આવી ઘટનાઓ જરૂર થઇ છે જ્યારે મે કામ ગુમાવી દીધુ હોય. અને લોકોએ મારી સાથે વાત કરવાનું બંધ કરી દીધુ હોય કારણ કે મે તેમનાં વાહિયાત ઇરાદા સમજી લીધા હોય અને તેમના ઇશારા પર ચાલવાની ના પાડી દીધી હોય.

ઉલ્લેખનીય છે કે, ફિલ્મ પ્રોડ્યુસર- ડિરેક્ટર સાજિદ ખાન પર એક્ટ્રેસ સલોની ચોપરાએ સંગીન આરોપ લગાવ્યા છે તે બાદ ફિલ્મ 'ઉંગલી'ની એક્ટ્રેસે પણ સાજિદે તેની સાથે ગેરવર્તન કર્યુ હતું અને તેને છાતીનાં ભાગે અડ્યો હોવાનો ગંભીર આરોપ પણ લગાવ્યો છે.

આ ઉપરાંત એક મહિલા પત્રકારે અને અન્ય એક એક્ટ્રેસે પણ સાજિદ ખાન પર ગંભીર આરોપો લગાવ્યા છે.