આદિત્ય પંચોલી માનહાનિ કેસમાં કંગના અને રંગોલી વિરુદ્ધ આજે સુનાવણી

આદિત્ય પંચોલી દ્વારા દાખલ કરવામાં આવેલાં માનહાનિ કેસમાં એક્ટ્રેસ કંગના રનૌટ અને તેની બહેન રંગોલી ચંદેલે કોર્ટ દ્વારા પાઠવવામાં આવેલા સમન બાદ શુક્રવારે મુંબઇનાં અંધેરી મેટ્રોપોલિટન કોર્ટમાં હાજર થવાનું છે. જેથી તે વર્ષ 2017માં આદિત્ય પંચોલી અને તેની પત્ની દ્વારા ફાઇલ કરવામાં આવેલાં માનહાનિનાં કેસમાં કોર્ટમાં હાજર થવા માટે એક્સમ્શન લઇ શકે કે પછી કેસને ચેલેન્જ કરી શકે.

જોકે તેમનાં વકીલ રિઝવાન સિદ્દીકીનું કહેવું છે કે, કોર્ટ દ્વારા તેમને કોઇ જ સમન નથી મળ્યું અને ન આ અંગે કોઇ માહિતી તેમનાં ક્લાયંટને છે તેથી કંગના કે રંગોલીનો કોર્ટમાં રજૂ થવાનાં સવાલ જ નથી થતો. સાથે જ કંગના હાલમાં મુંબઇમાં નથી.

ઉલ્લેખનીય છે કે, વર્ષ 2017માં આદિત્ય પંચોલી અને તેની પત્ની ઝરીના વહાબ દ્વારા માનહાનિનાં 4 કેસ ફાઇલ કરવામાં આવ્યા હતાં. જેની સુનાવણી દરમિયાન કંગના રનૌટ અને તેની બહેન રંગોલ એકપણ તારીખે રજૂ ન થવાને કારણે 24 જૂનનાં કોર્ટે કંગના અને રંગોલીને સમન્સ ફટકારીને કોર્ટમાં હાજર રહેવા કહ્યું હતું.

આદિત્ય પંચોલીએ એક્ટ્રેસ કંગના રનૌટ વિરુદ્ધ વર્ષ 2017માં માનહાનિનો કેસ દાખલ કર્યો હતો. અને પંચોલી અને તેની પત્નીનો આરોપ છે કે, કંગના રનૌટનાં નેશનલ ટેવી પર તેની બહેન રંગોલીનાં સોશિયલ મીડિયા પર તેની છવિ ધૂમિલ કરવાનો પ્રયાસ કર્યો અને આધારહીન આરોપ લગાવ્યા હતાં.

તો બીજી તરફ કંગનાનાં વકીલ રિઝવાન સિદ્દીકીએ અંધેરી મેટ્રોપોલિટન કોર્ટમાં આદિત્ય વિરુદ્ધ 3 પ્રાઇવેટ કંપ્લેઇન ફાઇલ કરી છે. જેની સુનાવણી પણ શુક્રવારે જ થવાની છે. દાખલ કરવામાં આવેલાં કેસમાં પીડિતનાં નામને સાર્વજનિક કરવાં.

પીડિતની છવિને ધૂમિલ કરતા ઇન્ડસ્ટ્રીમાં નામ ખરાબકરી તેને કામ ન મળે તે રીતે દબાણ કરવાનો પણ આરોપ છે સાથે જ તેનાં વકિલનું સ્ટિંગ કરીને તેને ખોટી રીતે એડિટ કરી પીડિત અને તેનાં વકિલ વિરુદ્ધ કેસ મિસલિડ કરવા મામલે પ્રાઇવેટ કંપ્લેન ફાઇલ કરવામાં આવી છે જેનાં પર પણ આજે સુનાવણી થવાની છે.