Bollywood: દીપિકા પાદુકોણ પોતાના બેગમાં રાખે છે આ ખાસ વસ્તુઓ, તમને પણ જાણીને નવાઇ લાગશે

દીપિકા પાદુકોણ (Deepika Padukone) બોલિવૂડની ટોચની અભિનેત્રીઓમાંની એક છે. દીપિકા ખૂબ જ છટાદાર રીતે લોકો સામે પોતાના દિલની વાત રાખે છે. તેના શબ્દો એટલા તેજસ્વી છે કે લોકો તેનાથી સહેલાઈથી પ્રભાવિત થઈ જાય છે અને તેની આ ખૂબીના દિવાના થઇ જાય છે. દીપિકા અને 'વોગ ઈન્ડિયા' (Vouge India) મેગેઝિન વચ્ચેની વાતચીતમાં કંઈક આવું જ જોવા મળ્યું હતું.

વોગ ઈન્ડિયા મેગેઝિન સાથે વાત કરતી વખતે દીપિકાએ પોતાનો હેંગઓવર (Hangover) કઈ રીતે દૂર કરે છે અને પોતાની બેગમાં (what's in Deepika's Bag) કઈ ખાસ વસ્તુઓ રાખે છે? અંગે ખુલાસો કર્યો હતો.

હેંગઓવર ઉતારવા રાખે છે ખાસ મેડિસીન - એક સવાલના જવાબમાં દીપિકા પાદુકોણે કહ્યું કે, હેંગઓવરથી છુટકારો મેળવવા માટે તે પોતાની બેગમાં એક ખાસ દવા રાખે છે, જેનું નામ Alka Seltzer છે.

આ દવા વિશે દીપિકાએ જણાવ્યું કે, આ દવા માથાનો દુ:ખાવો, શરીરમાં દુ:ખાવો, થાક વગેરે જેવા હેંગઓવરના લક્ષણોને દૂર કરવામાં અને રાહત આપવામાં મદદ કરે છે.

બેગમાં બીજી કઇ વસ્તુઓ રાખે દીપિકા? - ઈન્ટરવ્યુમાં આગળ, દીપિકા કેટલીક રસપ્રદ બાબતો જણાવી હતી અને કહ્યું હતું કે, તે તેની બેગમાં માઉથ ફ્રેશનર, પેન્સિલ-ડાયરી, સેફ્ટી પિન અને બેન્ડેજ પણ રાખે છે, આ બધી વસ્તુઓ તેના માટે ખૂબ જ મહત્વપૂર્ણ છે. દીપિકા પાદુકોણના આ ખુલાસાઓ તેના ફેન્સ માટે ખરેખર રસપ્રદ છે.

નોંધનીય છે કે, દીપિકા પણ ડિપ્રેશનનો સામનો કરી ચૂકી છે. જો કે હવે તેણીએ પોતાનો ખરાબ સમય પસાર કરી લીધો છે અને હવે તેણી ઘણી આગળ વધી ગઈ છે. દીપિકા દરેક પળને મસ્તીથી એન્જોય કરે છે. તે હવે તેની સફળ કારકિર્દીની અને તેના પતિ રણવીર સિંહ સાથે સુખી લગ્નજીવનનો આનંદ માણી રહી છે.

એક ફિલ્મ માટે ચાર્જ કરે છે અધધધ ફી - દીપિકાને ફિલ્મ ઈન્ડસ્ટ્રીની સૌથી વધુ કમાણી કરનાર અભિનેત્રી માનવામાં આવે છે. તેનું નામ સૌથી વધુ કમાણી કરતી અભિનેત્રીઓમાં સામેલ છે. રિપોર્ટ અનુસાર, ફિલ્મ પદ્માવત બાદ હવે તે એક ફિલ્મ માટે લગભગ 15-16 કરોડ રૂપિયા લે છે.

મીડિયા રિપોર્ટ્સમાં એવું પણ કહેવાય છે કે, દીપિકા કોઈપણ એક એડ માટે લગભગ 8-10 કરોડ રૂપિયા લે છે. તેની કમાણીના કારણે દીપિકાનું નામ ફોર્બ્સ 2019 સેલેબ્સની યાદીમાં 10માં સ્થાને છે, 2018માં તે ચોથા સ્થાને હતી.

પોતાની સ્ટાઇથી ફેન્સ કરી દે છે ઘાયલ - દીપિકા પાદુકોણ તેના સ્ટાઇલિશ ડ્રેસ અને ફેશન માટે જાણીતી છે. તે અવારનવાર તેના ઇન્સ્ટાગ્રામ પર તેના ફોટા શેર કરીને તેના ચાહકોનું દિલ જીતી લે છે.

દીપિકાની આગામી ફિલ્મોની વાત કરીએ તો તે રિતિક રોશનની સામે ફાઈટરમાં જોવા મળશે. આ ફિલ્મમાં તે પહેલીવાર એક્શન કરતી જોવા મળશે. આ પછી તે શાહરૂખ ખાનની ફિલ્મ પઠાણમાં લીડ રોલમાં જોવા મળશે. દીપિકા છેલ્લે રણવીર સિંહની ફિલ્મ 83માં જોવા મળી હતી.