આ 8 એક્ટ્રેસીસ વચ્ચે છે 36નો આંકડો, કોઇ ફિલ્મ તો કોઇ બોયફ્રેન્ડના કારણે બની 'દુશ્મન', એકબીજાનું મોઢુ પણ જોવા નથી તૈયાર

મુંબઈઃ બોલિવૂડમાં સ્ટારડમને લઈને ઘણા એક્ટર્સ વચ્ચે ટશન જોવા મળે છે. આ કારણે કેટલીક એક્ટ્રેસીસ વચ્ચે દોસ્તી થતા થતા રહી જાય છે તો ક્યારેક અફેરના કારણે તેમની વચ્ચે 36નો આંકડો થઇ જાય છે. કેટલીક હસીનાઓ તો કોઇ પાર્ટી અથવા ફિલ્મ ઇવેન્ટમાં જબરદસ્તી એકબીજા સામે સ્માઇલ કરે છે, જ્યારે ઘણી એકબીજાને બિલકુલ જોવા જ માંગતી નથી. આ લિસ્ટમાં જયા બચ્ચન-રેખા (Jaya Bachchan-Rekha)થી લઈને કરીના કપૂર(Kareena Kapoor)-પ્રિયંકા ચોપરા (Priyanka Chopra) સામેલ છે. ચાલો આજે બોલીવુડની 8 હસીનાઓ વચ્ચેના ઝઘડાનું કારણ જણાવીએ.

કરીના કપૂર અને પ્રિયંકા ચોપરા, બંનેને બોલિવૂડની ફેમસ અને સક્સેસફુલ એક્ટ્રેસીસ માનવામાં આવે છે. પ્રિયંકાએ હવે હોલિવૂડમાં પોતાની પહોંચ બનાવી લીધી છે. મીડિયા રિપોર્ટ્સ અનુસાર, ફિલ્મ 'ઐતરાઝ'માં નેગેટિવ રોલ કરવા છતાં કરીના કરતાં પ્રિયંકાના વધુ વખાણ થયા હતા, તેથી તેમના સંબંધોમાં ખટાશ આવી ગઈ હતી.

જ્યારે કરણ જોહરના શો 'કોફી વિથ કરણ'માં કરીનાએ પ્રિયંકાના ઉચ્ચારણ પર કોમેન્ટ કરી અને તેને બનાવટી ગણાવ્યુ. આ ઉપરાંત પ્રિયંકા અને કરીના વચ્ચેની જંગનું મુખ્ય કારણ શાહિદ કપૂર પણ હોવાનું કહેવાય છે. (ફોટો ક્રેડિટ: priyankachopra/kareenakapoorkhan/Instagram)

હવે વાત કરીએ કેટરીના કૈફ અને દીપિકા પાદુકોણની. બંને એક્ટ્રેસીસ બોલિવૂડની ટોપ એક્ટ્રેસીસની લિસ્ટમાં સામેલ છે. બંનેએ ઈન્ડસ્ટ્રીને એકથી એક દમદાર ફિલ્મો આપી છે અને આપી રહ્યા છે. તેમની વચ્ચેની જંગ માત્ર સ્ટારડમ પૂરતી મર્યાદિત નથી પણ પર્સનલ લાઇફને કારણે પણ હતી.

જો કે હવે લગ્ન કર્યા બાદ બંને પોતપોતાની દુનિયામાં ખુશ છે, પરંતુ રણબીર કપૂરને કારણે દીપિકા અને કેટરીના વચ્ચે જે અણબનાવ થયો હતો તે આજ સુધી દૂર થઈ શક્યો નથી. કહેવાય છે કે દીપિકા અને રણબીર વચ્ચેના અફેરનો અંત કેટરિનાના કારણે થયો હતો. દીપિકા સાથે બ્રેકઅપ થયા બાદ રણબીર કેટરીના સાથે રિલેશનશિપમાં આવ્યો હતો. જોકે ત્રણેય એક્ટર્સે અલગ-અલગ લાઇફ પાર્ટનર પસંદ કર્યા હતા. (ફોટો ક્રેડિટ : katrinakaif/deepikapadukone/Instagram)

ફિલ્મ 'ચલતે-ચલતે'ના કારણે ઐશ્વર્યા રાય બચ્ચન અને રાની મુખર્જી વચ્ચેના સંબંધો વણસ્યા હતા. મીડિયા રિપોર્ટ્સ અનુસાર, ઐશ્વર્યા રાયને સૌથી પહેલા શાહરૂખ ખાન સાથે કાસ્ટ કરવામાં આવી હતી, તે સમયે ઐશ્વર્યા અને સલમાન ખાન રિલેશનશિપમાં હતા.

સલમાન ઘણીવાર ફિલ્મના સેટ પર હંગામો મચાવતો હતો, જેના કારણે મેકર્સે ઐશ્વર્યાની જગ્યાએ રાની મુખર્જીને કાસ્ટ કરી હતી. આ કારણે ઐશ્વર્યા રાની પર ગુસ્સે થઈ ગઈ હતી. તે જ સમયે, રાનીના લગ્ન પહેલા અભિષેક બચ્ચન સાથે થવાના હતા અને બાદમાં ઐશ્વર્યા રાય બચ્ચન પરિવારની વહુ બની ગઇ. (ફોટો ક્રેડિટ : aishwaryaraibachchan_arb/YRF/Instagram)

હવે વાત કરીએ એ બે એક્ટ્રેસીસની જેની ચર્ચા 50 વર્ષથી ચાલી રહી છે. અમે વાત કરી રહ્યા છીએ રેખા અને જયા બચ્ચનની. તેમની વચ્ચે દુશ્મનીનું કારણ અમિતાભ બચ્ચન છે. અમિતાભ અને રેખાના અફેરના તમામ કિસ્સા આજે પણ ચર્ચાય છે. જેના કારણે જયા અને અમિતાભનું ઘર તૂટતું બચ્યું હતું.

જો કે રેખા-અમિતાભની જોડીને પડદા પર ખૂબ પસંદ કરવામાં આવી હતી, પરંતુ જયાના કડક વલણને જોઈને અમિતાભે રેખા સાથે ફિલ્મો કરવાની ના પાડી દીધી હતી. જયા-રેખા વચ્ચેનો મનભેદ આજે પણ દૂર થયો નથી. (ફોટો ક્રેડિટ : bombaybasanti/bachchan/Insta