બોલિવૂડનાં ક્યૂટ કપલ દીપિકા પાદુકોણ અને રણવીર સિંઘ લગ્નનાં બંધનમાં બંધાઇ ચુક્યા છે. આ લગ્નની તસવીરો પણ સામે આવી ગઇ છે. રણવીર દીપિકાએ ઇટલીનાં લેક કોમોમાં લગ્ન કર્યા. બાદમાં ગુરૂવારે સાંજે રણવીર સિંહ અને દીપિકા પાદુકોણે તેમનાં લગ્નની ઓફિશિયલ તસવીર શેર કરી.
દીપિકા રણવીરનાં લગ્ન કોંકણી અને સિંધી રીતિ રિવાજ પ્રમાણે સંપન્ન થઇ ગયા છે. લગ્ન દરમિયાન મહેમાનોએ કેટલીક પારંપરિક સિંધી ડિશ પીરસવામાં આવી હતી, જેમાં દાલ પકવાન, સાઇ ભાજી, સિંધી કરીનો સ્વાદ મહેમાનોને ચાખવા મળ્યો હતો. આવો જાણીએ પારંપરિક સિંધી પકવાન વિશે.
દાલ પકવાન સિંધીઓની લોકપ્રિય ડિશ છે. ચણાની દાળથી બનનારી આ ડિશ પૂરી સાથે સર્વ કરવામાં આવે છે. આ ડિશ ત્રીજ તહેવારનાં દિવસે બને છે.
સાઇ ભાજી પણ એક સિંધી રેસિપી છે. તે પાલકમાંથી બને છે. જો આપ ક્યારયે કોઇ સિંધી પરિવારનાં ફંક્શનમાં હાજર થાવ છો તો આપને સાઇ ભાજી ખાવા જરૂરથી મળશે.
સિંધી કરી લીલા શાકભાજીમાંથી બને છે. સિંધી લોકો આ કરીને સૌથી સહેલી ડિશ ગણે છે. કારણ કે તે થોડા જ સમયમાં તૈયાર થઇ જાય છે.
