25 જૂનનાં યોજાશે ખાસ ગુજરાતી સેલિબ્રિટીઝ વચ્ચે ક્રિકેટ ટૂર્નામેન્ટ, 100થી વધુ સેલિબ્રિટી લેશે ભાગ

એન્ટરટેઇનમેન્ટ ડેસ્ક: 25 અને 26 જૂનના રોજ 100 થી વધુ ગુજરાતી ફેન્સ અને ગુજરાતી ફિલ્મ ઉદ્યોગના સેલિબ્રિટીઓ (GUJARATI FILM INDUSTRY CELEBRITIES) વચ્ચે ગુજરાતી ઈન્ફ્લુઅન્સર્સ ક્રિકેટ ટુર્નામેન્ટનું આયોજન કરવામાં આવ્યું છે. ટૂર્નામેન્ટનો ઉદ્દેશ્ય દરેક ગુજરાતી ઇન્ફ્લૂએન્ઝર્સ અને અભિનેતાઓને એક કરવાનો છે. ટૂર્નામેન્ટમાં કુલ 9 ટીમો રમશે અને ખેલાડીઓમાં છોકરાઓ અને છોકરીઓ (Boys and Girls) બંને હશે.

નેક્સ મની કંપનીનાં ગૌરવ સાવલિયા (NEXMONEY) દ્વારા આ ક્રિકેટ ટૂર્નામેન્ટને સ્પોન્સર કરવામાં આવી છે. જેમાં ગુજરાતી કલાકારો, ફેન્સ અને ઇન્ફ્લુઅન્સર્સ સાથે રમતા નજર આવશે.

આ ટુર્નામેન્ટ બીબીપુરા ક્રિકેટ ગ્રાઉન્ડ, તાલુકા સ્પોર્ટ્સ કોમ્પ્લેક્સ, રામોલ ટોલ પ્લાઝા, અદાણી સર્કલ, બીબીપુરા, ગામ, અમદાવાદ ખાતે યોજાવા જઈ રહી છે. આ ઇવેન્ટનું ભવ્ય ઉદઘાટન સમારંભ 25 જૂનનાં રોજ સવારે 8 વાગ્યે મેદાન પર કરવામાં આવશે.

જેમાં દરેક પ્રતિભાગીઓને મેડલ વિતરણ પણ કરવામાં આવશે. 26ની સાંજે ઇવેન્ટનું સમાપન થશે. જેની ક્લોઝિંગ સેરેમનીમાં પણ એવોર્ડ વિતરણ તેમજ અન્ય ઇનામનું વિતરણ કરવામાં આવશે.

આ ટૂર્નામેન્ટ યુટ્યુબ (YOUTUBE) અને CRICHEROES પર પણ લાઇવ જોવા મળશે.